امریکا ایسراییلی غزه-یه اینسانی یاردیملار اوچون محاربهیه فاصیله وئرمهیه چاغیراجاق
امریکانین خاریجی ایشلر ناظیری آنتونی بلینکنین بو گون گونو ایسراییله سفری گؤزلنیلیر.
![امریکا ایسراییلی غزه-یه اینسانی یاردیملار اوچون محاربهیه فاصیله وئرمهیه چاغیراجاق](http://cdn.trt.net.tr/images/xlarge/rectangle/06f5/9554/ba40/65434d52445ab.jpeg?time=1719021770)
امریکانین خاریجی ایشلر ناظیری آنتونی بلینکنین بو گون گونو ایسراییله سفری گؤزلنیلیر.
امریکانین خاریجی ایشلر ناظیری ایسراییلی اینسانی یاردیمین چاتدیریلماسی و تخلیه اوچون غزه زولاغینا هوجوملاری دایاندیرماغی قبول ائتمهیه چاغیرماغی پلانلاشدیریر.
امریکانین خاریجی ایشلر ناظیری آنتونی بلینکنین بو گون گونو ایسراییله سفری گؤزلنیلیر.
همین سفر بلینکنین ایسراییل ایله "حماس" آراسیندا موناقیشه باشلایاندان بری ایسراییلین باش ناظیری نتانیاهو و دیگر رسمیلرله گؤروشمک اوچون ایکینجی سفری اولاجاق.
آنتونی بلینکن واشینگتن-دان اورتا دوغویا یولا دوشرکن ایسراییله سفری زامانی غزه-ده دینج اهالینین اذیتینی مینیموما ائندیرمک اوچون کونکرت یوللاری موذاکیره ائدجگینی بیلدیریب.
لاکین بو آچیقلامالار وئریلرکن دیگر طرفدن، امریکا ساوونما ناظیرلیگی (پنتاگون) "حماس"ین یئنیدن گوجونو توپلاماسینا سبب اولاجاغینا دایر ناراحاتلیقلار سببیله ایسراییل و "حماس" آراسیندا آتشکسی دستکلهمهدیگینی آچیقلاییب.
قئید ائدک کی، ایسراییل اوردوسو دونن آخشام ساعاتلاریندا غزه زولاغینین محاصرهیه آلیندیغینی اعلان ائدیب.
نتانیاهو آچیقلاماسیندا "محاربهنین ذیروه سیندییک. افکتیو اوغورلار الده ائدیریک و غزه-نین کنار محله لرینی کئچدیک، ایرلیلییریک" دئییب.