غزه-ده بمت-نین داها 3 امکداشی هلاک اولوب
ایسراییلین هوجوم‌لاری نتیجه‌سینده بیر گونده بمت-نین داها 3 امکداشی هلاک اولوب.
2058867
ایسراییل غزه زولاغینا فرق قویما‌دان هوجوم ائدیر.
ایندییه‌دک بمت-نین 67 امکداشی ایسراییلین هوجوم‌لاری نتیجه‌سینده حیاتینی ایتیریب. بمت-نین سؤزچوسو دوجاریک اینسانی یاردیم ایشچی‌لری‌نین هدف آلینماسی‌نین "قبول ائدیلمز" اولدوغونو وورغولاییب.
تشکیلاتین اورتا دوغو فیلیسطین‌لی قاچقین‌لارا یاردیم و اجتماعی ایشلر تشکیلاتیندان وئریلن آچیقلامادا ایشچی‌لرین عائله‌لری ایله بیرلیکده ائولرینده اؤلدورولدوگو بیلدیریلیب.
اوکتبرین 7-دن غزه-ده اؤلدورولن بمت امکداش‌لاری‌نین سایی 67-یه یوکسلیب.
بیرلشمیش میللت‌لر تشکیلاتی‌نین سؤزچوسو استفان دوجاریک اینسانی یاردیم ایشچی‌لری‌نین هدفه آلینماسینا رئاکسیا وئریب.
او خاطیرلادیب کی، غزه-ده تخمینن 13 مین اینسانی یاردیم ایشچی‌سی چالیشیر.
دوجاریک "اینسانی یاردیم ایشچی‌لری‌نین هدفه آلینماسی قبول ائدیلمزدیر" دئییب.
