آوروپا بیرلیگی اؤلکهلری فیلیسطین-ایسراییل موناقیشهسینی موذاکیره ائدهجکلر
آوروپا بیرلیگی اؤلکهلرینین خاریجی ایشلر ناظیرلری فیلیسطین-ایسراییل موناقیشهسی، غزه-یه اینسانی یاردیمین چاتدیریلماسی، ائلهجه ده اوکراینا و قاراباغ کیمی مسئلهلری موذاکیره ائتمک اوچون بیر آرایا گلیب.
آوروپا بیرلیگی اؤلکهلرینین خاریجی ایشلر ناظیرلری فیلیسطین-ایسراییل موناقیشهسی، غزه-یه اینسانی یاردیمین چاتدیریلماسی، ائلهجه ده اوکراینا و قاراباغ کیمی مسئلهلری موذاکیره ائتمک اوچون بیر آرایا گلیب.
لوکزامبورگ-دا کئچیریلن آوروپا بیرلیگی خاریجی ایشلر ناظیرلری توپلانتیسی اؤنجهسی آچیقلاما وئرن آوروپا بیرلیگی-نین خاریجی ایشلر و تهلوکهسیزلیک سیاستی اوزره عالی نومایندهسی جوزپ بورل "حماس"ین ایسراییله هوجومو و آردینجا ایسراییلین غزه-نی بومباردمان ائتمهسیندن سونرا بؤلگهیه عاجیل اینسانی یاردیم گؤندریلمهسینین واجیبلیگینی بیلدیریب.
بورل خاطیرلادیب کی، سون توققوشمالاردان اول گونده 100-دن چوخ یاردیم ماشینی غزه-یه داخیل اولوب.
حاضیردا گونده 20 یوک ماشینینا ایجازه وئریلمهسینین کیفایت ائتمهدیگینی وورغولایان بورل گؤزلهین یوک ماشینلارینا درحال ایجازه وئرهرک یاناجاق، سو و الکتریک احتیاجینین اؤدنیلمهسینین واجیبلیگینه دقت چکیب.
بورل خاریجی ایشلر ناظیرلرینین بوگونکو ایجلاسیندا آوروپا بیرلیگی کمیسیونونون اینسانی یاردیمدان مسئول عضوو یانز لنارچیچین ده ایشتیراک ائدجگینی بیلدیریب.
اینسانی یاردیمین چاتدیریلماسی اوچون قارشیدورمالارین دایاندیریلماسینا توخونان بورل دئییب:
"بو گون بیز همچنین بیرلشمیش میللتلر تشکیلاتینین حربی عملیاتلارین دایاندیریلماسی چاغیریشینی موذاکیره ائدجییک. بو، گیروولار اوچون ده لازیمدیر".
بورل بیلدیریب کی، اونلارین اونجه لیک لری اینسانی وضعیتدیر، داها سونرا اوزون مدت کناردا قالان اورتا دوغو باریش پروسهسینی نئجه جانلاندیرماق بارهده دوشونمک لازیمدیر.
بورل فیلیسطینلی و یا ایسراییللی اولماسیندان آسیلی اولمایاراق اؤلدورولن بوتون سیویل وطنداشلار اوچون عینی ناراحاتلیغین اولماسینین واجیبلیگینی وورغولایاراق دئییب:
"چوخ دقتلی اولمالیییق کی، اؤلدورولن هر بیر سیویل شخص اوچون عینی ناراحاتلیغیمیز وار. ایسراییله گوجلو دستکیمیزی گؤسترمهلییک، چونکی اونلار یهودیلره قارشی ان بؤیوک هوجوملاردان بیرینه معروض قالیبلار. بونو پیسلمک لازیمدیر و بیز بونو قینادیق. اما عینی زاماندا گوناهسیز فیلیسطینلی سیویل وطنداشلارین اؤلدورولدوگونو ده اعتراف ائتمهلییک. بونو نظره آلمالیییق. اونلار دا "حماس"ین قوربانلاریدیرلار. بیز اؤلدورولن هر بیر سیویل شخص اوچون ناراحات اولمالیییق".
ایلگیلیلی خبرلر
ژاپندا شدتلی یاغیشلار سببی ایله ۶ نفر حیاتینی ایتیردی
ژاپونون نوتو و سوزو بؤلگهلرینده شدتلی یاغیشلار نتیجهسینده سئل و تورپاق سوروشمهسی میدانا گلدی