آمریکادا آنکت سونوجلاری؛ هریس ترامپی قاباقلاییر

آمریکادا آپاریلان آنکت گؤستریر کی، دموکرات پارتیسینین نامیزدی کامالا هریس نویابرین 5ینده کئچیریله‌جک پرئزیدئنت سئچکیلرین‌ده جمهوریتچی پارتیسینین نامیزدی دونالد ترامپی آز فرقله قاباقلاییر.

سی.بی.اس. نیوز و یووگووون آمریکادا 18-20 سپتامبر تاریخلری آراسین‌دا کئچیردیگی آنکتده 3 مین 129 قئیدیات‌دا اولان سئچیجی‌دن نویابرین 5ینده کئچیریله‌جک پرئزیدئنت سئچکیلری ایله باغلی فیکیرلری سوروشولوب.

آنکتین نتیجه‌لری هریسین 52 فایزه چاتدیغینی و 48 فایز دستک آلان ترامپی 4 بال قاباقلادیغینی گؤستردی.

نامیزدین شخصی خصوصیتلرینه اوستونلوک وئر‌ن سئچیجیلرین هریس‌ه سس وئردیگی، ترامپی دستکله‌ینلرین ایسه نامیزدین سیاستلرینه دقت یئتیردیگی معین ائدیلیب.

هریس‌ه سس وئر‌نلرین اکثریتی گؤچمنلرین آمریکالیلارین ائتمیه‌جگی ایشلری گؤردویونو دوشونسه ده، ترامپین سئچیجیلرینین اکثریتی گؤچمنتلرین داها چوخ جینایت تؤرتدیینه و وطنداشلاردان ایش گؤتوردویونه اینانیر.

ترامپ طرفدارلارینین 73 فایزی گؤچمنلرین جمعیتی داها دا پیسلشدیردیگینی دوشونور.

عینیله، ترامپ طرفدارلارینین 69 فایزی موهاجیرلرین ائو پیشیکلری و ایتلری یئمه‌سی ایله باغلی ادعالارین دوغرو اولدوغونا اینانیر.

جمهوریتچلرین 83 فایزی آمریکا سیاستین‌ده مدنیتین تونونون و سوییه‌سینین پیسلشدیگینی، 71 فایزی ایسه دموکراسینین تهلوکه آلتین‌دا اولدوغونو دوشونور.