آوروپا فیلیسطینه یاردیملا باغلی فیکیر آیریلیغینا دوشدو
آوروپا بیرلیگینین فیلیسطینه یاردیملا باغلی ضدیتلی آچیقلامالار وئرمهسی و یاردیمی دوندورماق قراریندان ایمتینا ائتمهسیندن سونرا آوروپا اؤلکهلری ده فرقلی موضع سرگیلییر.
آوروپا بیرلیگینین فیلیسطینه یاردیملا باغلی ضدیتلی آچیقلامالار وئرمهسی و یاردیمی دوندورماق قراریندان ایمتینا ائتمهسیندن سونرا آوروپا اؤلکهلری ده فرقلی موضع سرگیلییر.
آلمانیا حکومتی فیلیسطین اراضیلرینه ائتدیگی اینکیشاف و الت یاپی یاردیملارینی نظردن کئچیرمک قرارینا گلیب و آیریلان بودجهنی اؤدمگی دایاندیریب.
اینکیشاف ناظیری اسونیا شولزه "بیز بو چتین زاماندا ایسراییل ایله تام دایانیشما ایچینده یک. فیلیسطین اراضیلریندهکی اینسانلارا وئردیگیمیز دستکین باریشا خیدمت ائتمهسی اوچون هر زامان حساس اولموشوق. بونونلا بئله، ایسراییله قارشی بو هوجوملار دهشتلی دؤنوش نقطهسیدیر. اونا گؤره ده فیلیسطین اراضیلری ایله باغلی بوتون عهده لیگیمیزی نظردن کئچیرجییک" دئییب.
اتریش-ین خاریجی ایشلر ناظیری الکساندر شالنبرگ عومیلیکده 19 میلیون یورولوق یاردیم لاییحهلرینی دایاندیردیقلارینی بیلدیریب.
بو بارهده فرانسا خاریجی ایشلر ناظیرلیگینین بیاناتیندا ایسه دئییلیب:
"بیز فیلیسطین خالقینا بیرباشا فایدا وئرن یاردیمین دایاندیریلماسینین طرفداری دئییلیک".
ایسپانیادا بعضی مطبوعات لاردا حکومتین آوروپا بیرلیگی-نین یاردیمی دایاندیرماق قراری ایله راضیلاشمادیغی بارهده خبرلر درج ائدیب.
بلژیک-ین اینکیشاف امکداشلیق ناظیری کارولین گنز فیلیسطین-دهکی وضعیتی یاخیندان ایزلهدیکلرینی، یاردیملاری داوام ائتدیرمگی هدفلدیکلرینی و دیگر آوروپا بیرلیگی عضولری ایله مصلحتلشهرک موضع لرینی معین ائدهجکلرینی بیلدیریب.
بیلدیریلیب کی، آوروپا بیرلیگی عضوو اولمایان اینگیلتره یاردیمی کسمک نیتینده دئییل.
اینگیلتره مطبوعاتیندا یئر آلان خبرلره گؤره، حکومتدهکی منبع بمت واسیطهسیله فیلیسطینه ائدیلن میلیونلارلا دولارلیق خاریجی یاردیمین دایاندیریلماسی پلانینین اولمادیغینی بیلدیریب.
ایرلاندیا آوروپا بیرلیگی کمیسیونونون 691 میلیون یورودان چوخ یاردیما یئنیدن باخیلماسی قرارینی رد ائدن اؤلکهلر سیراسیندا اولوب.
ایرلاندیا خاریجی ایشلر ناظیرلیگینین سؤزچوسو آوروپا بیرلیگی کمیسیونونون قونشولوق و گئنیشلنمهدن مسئول عضوو الیور ورهلینین بیرطرفلی قرارینین "حقوقی اساسی اولمادیغینی" بیلدیریب و "یاردیمین دایاندیریلماسینی دستکلهمدیکلرینی" قئید ائدیب.
قئید ائدک کی، آوروپا بیرلیگی دونن "حماس"ین ایسراییله هوجوموندان سونرا فیلیسطینه یاردیملا باغلی تعجبلو و ضدیتلی آچیقلامالار وئریب.