پوتین: "تورکیه-ده طبیعی گاز مرکزی‌نین یارادیلماسی گوندمده‌دیر"
روسیا پرزیدنتی ولادیمیر پوتین تورکیه-ده طبیعی گاز مرکزی‌نین یارادیلماسی‌نین گوندمده اولدوغونو آچیقلاییب.
روسیا پرزیدنتی ولادیمیر پوتین تورکیه-ده طبیعی گاز مرکزی‌نین یارادیلماسی‌نین گوندمده اولدوغونو آچیقلاییب.
ولادیمیر پوتین سن پترزبورگ-دا کئچیریلن روسیا- افریقا ایجلاسیندان سونرا ژورنالیست‌لرین سوال‌لارینی جاوابلاندیریب.
تورکیه-ده طبیعی گاز مرکزی‌نین یارادیلماسی‌نین گوندمده اولدوغونو بیلدیرن پوتین تورکیه-ده طبیعی گاز ساتیشی اوچون الکترون تیجارت پلاتفورماسی قورماق ایسته‌دیک‌لرینی بیلدیریب.
تورکیه-نین بئله بیر الکترون تیجارت پلاتفورمونون تشکیلی اوچون موناسیب یئر اولدوغونو وورغولایان روسیا لیدئری دئییب:
چونکی تورکیه آوروپا اوچون ترانزیت اؤلکه‌یه چئوریلیب".
پوتین همچنین چرشنبه گونو جمهور باشقانی رجب طیب اردوغانلا تلفونلا دانیشماق باره‌ده راضیلاشدیق‌لارینی بیلدیریب.
24 فوریه 2022-جی ایلدن داوام ائدن اوکراینا محاربه‌سی باره‌ده ایسه، پوتین اوکراینا طرفی ایله گؤروش‌دن ایمتینا ائتمه‌دیک‌لرینی، لاکین اوکراینا اوردوسونون هوجوم‌لارینی داوام ائتدیردیگی بیر واختدا آتشکسین چتین اولدوغونو دئییب.
افریقا اؤلکه‌لری‌نین اوکراینا‌داکی موناقیشه‌لری سونا چات‌دیرماق اوچون واریانت‌لار آختاردیغینی وورغولایان پوتین افریقانین تشببوسونون چینین پلانی ایله بیرلیکده باریش دانیشیق‌لاری‌نین اساسینی تشکیل ائده بیله‌جگینه دقت چکیب.
پوتین علاوه ائدیب کی، روسیانین قارا دنیز تاخیل سازیشیندن چیخماق قراری لجستیک، روسیا گمی‌لری‌نین لیمان‌لارا گیریشی‌نین مومکون‌سوزلوگو، پول کؤچورمه‌لری، سیغورتا و دیگر پروبلئم‌لرله باغلی‌دیر.
