بمت: "گمی‌لره تهلوکه‌سیزلیک زمانتی وئره بیلمریک"
بمت بیان ائدیب کی، روسیا قارا دنیز تاخیل دهلیزی سازیشینی لغو ائتدیک‌دن سونرا محاربه بؤلگه‌سینده حرکت ائدن گمی‌لره تهلوکه‌سیزلیک ضمانتی وئره بیلمه‌یه‌جک.
بیرلشمیش میللت‌لر تشکیلاتی (بمت) بیان ائدیب کی، روسیا قارا دنیز تاخیل دهلیزی سازیشینی لغو ائتدیک‌دن سونرا محاربه بؤلگه‌سینده حرکت ائدن گمی‌لره تهلوکه‌سیزلیک ضمانتی وئره بیلمه‌یه‌جک.
بمت-نین سؤزچوسو استفان دوجاریک گونده‌لیک مطبوعات کنفرانسیندا بمت-نین باش کاتیبی آنتونیو گوترشین اوکراینا و روسیانین تاخیل و گوبره‌لری‌نین قلوبال بازارا چیخاریلماسی اوچون سعی‌لرینی داوام ائتدیرجگینی وورغولاییب.
دوجاریک "ارزاق مسئله‌سی باش کاتیب اوچون دقت‌دن کناردا قالمایا‌جاق قدر واجیب‌دیر" دئییب.
تاخیل صادراتیندا روسیانین گمی‌لری هدف آلما احتیمالی ایله باغلی فرق‌لی فیکیرلرین گوندمه گتیریلدیگینه دقت چکن دوجاریک "بورا بیر ساواش بؤلگه‌سی‌دیر. باش کاتیب‌دن هئچ کیم تهلوکه‌سیزلیک ضمانتی طلب ائده بیلمز" ایفاده‌سینی ایشلدیب.
بیرگه کووردیناسیون مرکزیندکی ایشچی‌لرین مصلحت وئرمک اوچون ایستانبول-دا قالماغا داوام ائتدیگینه دقت چکن دوجاریک اونو دا دئییب کی، "بیز قارا دنیز تاخیل دهلیزی سازیشی‌نین و روسیا ایله آنلاشما سندی‌نین مقصدلرینه صادق قالیریق.
بمت-نین سؤزچوسو گوترشین آنلاشما سندی چرچیوه‌سینده روسیانین طلب‌لری ایله باغلی ایندییه قدر لازیمی سعی‌لری گؤستردیگینی، لاکین بانک قایدا‌لاری و سیغورتا بازاری کیمی فرق‌لی مؤوضوع لارا نظارت ائتمه‌دیگینی وورغولایا‌راق، "بیزیم وظیفه‌میز باشقا‌لاری‌نین قاپی‌سینی دؤیمک‌دیر و بیز بونو ائتدیک و ائتمه‌یه داوام ائدجییک" دئییب.
ایلگیلی‌لی خبرلر
ایسپانیانین باش ناظیری ایستعفا وئرمه‌یه‌جگینی آچیقلاییب
ایسپانیانین باش ناظیری پدرو سانچز اؤز وظیفه‌سینده قالاجاغینی آچیقلاییب.
