الجزایرده اؤیرتیم دیلی اینگیلیزجه اولاجاق
الجزایرده مؤوجود یؤنهتیم، دؤولت اوخوللاریندا اینگیلیزجه اؤیرتیمینی دستکلهیهرک فرانسیز دیلینین اگمنلیگیندن مرحلهلی اولاراق قورتولماغا چالیشیر
الجزایرده ۲۰۲۳-۲۰۲۴ آکادمیک ایلیندن اعتباراً اونیوئرسیتهلردهکی تحصیل دیلینین اینگیلیزجه اولماسی قرارلاشدیریلدی.
الجزایرین یوکسک اؤیرتیم باخانلیغی، گلن آکادمیک ایلدهن اعتباراً اونیوئرسیتهلرده فرانسیزجانین یئرینه اینگیلیزجهنین اؤیرتیم دیلی ائدیلمهسی اوچون حاضرلیقلارا باشلادی.
باخانلیق، بو مؤوضوعدا یوکسک اؤیرتیم فورونلارییلا ارتباطا گئچیلمهسی و حاضرلیق ییغینجاقلاری تشکیل ائدیلمهسی چاغرسی ائتدی.
باخانلیق، ۲۸ سپتامبر ۲۰۲۲ده اونیوئرسیتهلرده اینگیلیزجهنین دستکلنیلمهسی و تشویق ائدیلمهسی یولوندا قرار آلمیش و بونونلا باغلی چالیشمالارا باشلامیشدی.
الجزایرده اونیوئرسیتهلرده بیرینجی خاریجی دیل اولاراق فرانسیزجانین یئرینی اینگیلیزجهنین آلماسی، سون ایللرده توپلومدا تئز تئز دارتیشیلان مسئلهلر آراسیندا ایدی.
بو آددیمین ۱۸۳۰-۱۹۶۲ ایللرینده فرانسا موستملکهسینده قالان الجزایر ایله فرانسا آراسیندا هر زامان داوام ائدن سیاسی پروبلئملرله ده باغلانتیلی اولدوغو ایفاده ائدیلیر.
فرانسیزجانین تأثیریندن قورتولما یولوندا عمومی مئیلین اولدوغو اؤلکهده مؤوجود یؤنهتیم، دؤولت اوخوللاریندا اینگیلیزجه اؤیرتیمینی دستکلهیهرک فرانسیز دیلینین اگمنلیگیندن مرحلهلی اولاراق قورتولماغا چالیشیر.
ایلگیلیلی خبرلر
ایسپانیانین باش ناظیری ایستعفا وئرمهیهجگینی آچیقلاییب
ایسپانیانین باش ناظیری پدرو سانچز اؤز وظیفهسینده قالاجاغینی آچیقلاییب.