یوروپل‌دان پ‌کاکا راپورو
راپور‌دا، ترور هؤرگوتونون آوروپا بیرلیگینده ییغدیغی پوللاریندان، سوریه‌ده ی‌پ‌گ میلیتانلارینی دستکله‌مک اوچون ایستیفاده ائتدیگی وورغولاندی
آوروپا بیرلیگی پلیس تشکیلاتی یوروپلا گؤره، بؤلوجو ترور هؤرگوتو پ‌کاکا، آوروپادا تبلیغات اوچون پول توپلاماغا داوام ائدیر.
یوروپلون هر ایل یاییملادیغی "آوروپا بیرلیگی تروریزم دورومو و ترندی ۲۰۲۳ راپورو"ندا، ترور هؤرگوتو پ‌کاکانین، آوروپادا چوخ فعال اولدوغو، اداری، استخدام و مالی آماجلاری اوچون آوروپا بیرلیگی عضوو اؤلکه‌لریندن مرکز اولاراق ایستیفاده ائتدیگی قید ائدیلدی.
آوروپادا آشیری سولا میلی اولان شخصلرین چاتیشما بؤلگه‌لرین‌ده ترور هؤرگوتو پ‌کاکایا قاتیلدیغی بیلدیریلن راپور‌دا، ترور هؤرگوتو صفلرین‌ده ساواشدیقدان سونرا گئری قاییدان بو شخصلرین، آوروپا بیرلیگی عضوو اؤلکه‌لر باخیمین‌دان تهدید اولوشدوردوغو وورغولاندی.
پ‌کاکانین، آوروپا بیرلیگینده‌کی آشیری سول هؤرگوتلر و آنارشیست قروپلارلا یاخین ارتباط ایچریسین‌ده اولدوغو ایفاده ائدیله‌ن راپور‌دا، بو ایلیشکیلر چرچیوه‌سینده سوریه‌ده ی‌پ‌گ عنصورلارینین اولدوغو بؤلگه‌لرده آشیری سولچو و آنارشیست قروپلارا سلاحلی تعلیم وئریلدیگی ایفاده ائدیلدی.
ی‌پ‌گ‌نین تورکیه طرفین‌دن پ‌کاکانین داوامی اولاراق قبول ائدیلدیگی ایضاح ائدیله‌ن راپور‌دا، ترور هؤرگوتونون آوروپا بیرلیگینده ییغدیغی پوللاریندان، سوریه‌ده ی‌پ‌گ میلیتانلارینی دستکله‌مک اوچون ایستیفاده ائتدیگی وورغولاندی.
پ‌کاکانین "کمپین" آدینی وئردیگی پول توپلاما فعالیتلری ایله آوروپا بیرلیگی تورپاقلارین‌دا بؤیوک میقداردا پول الده ائتدیگی بیلدیریله‌ن راپور‌دا، ترور هؤرگوتونون آوروپا بیرلیگی ایچریسین‌ده اویوشدوروجو تیجارتی و قاچاقچیلیق یولویلا گلیر الده ائتدیگینه ایشاره ائدیلدی.
راپور‌دا، پ‌کاکانین، ترور هؤرگوتو باشی تروریست عبدالله اؤجالانین سربست بوراخیلماسی و پ‌کاکانین ترور هؤرگوتلری لیستیندن چیخاریلماسی اوچون آوروپا بیرلیگینده لابی‌چی‌لیک فعالیتلری یئریتدیگی بیلدیریلدی.
آوروپا بیرلیگی عضوو اؤلکه‌لرده، ۲۰۲۲ده ترورون جدی تهدید میدانا گتیردیگی ایفاده ائدیله‌ن راپور‌دا، گئچه‌ن ایل ۹۳و فرانسا، ۴۶سی اسپانیا، ۳۰و آلمانیا و ۲۲سی بلژیکده اولماق اوزره، آوروپا بیرلیگی عضوو اؤلکه‌لرده توپلام ۳۸۰ نفرین ترور شوبهه‌سی ایله گؤزآلتینا آلیندیغی، سوسیال مئدیا و اینترنتین، ترور تبلیغاتی و شخصلرین ترور هؤرگوتلری طرفین‌دن استخدام ائدیلمه‌سی آماجلی ایستیفاده ائدیلدیگی دیله گتیریلدی.
