میسیسیپی ایالتینده فوق العاده وضعیت اعلان ائدیلیب
امریکانین میسیسیپی ایالتی و اطرافیندا جدی داغینتیلارا و 26 نفرین اؤلومونه سبب اولان تورنادو ایله علاقهدار فوق العاده وضعیت اعلان ائدیلیب.
![میسیسیپی ایالتینده فوق العاده وضعیت اعلان ائدیلیب](http://cdn.trt.net.tr/images/xlarge/rectangle/e0fe/59bb/69ce/64213ae319721.jpg?time=1719057830)
امریکانین میسیسیپی ایالتی و اطرافیندا جدی داغینتیلارا و 26 نفرین اؤلومونه سبب اولان تورنادو ایله علاقهدار فوق العاده وضعیت اعلان ائدیلیب.
امریکا پرزیدنتی جوبایدن داغیدیجی تأثیر گؤسترن 10-دان چوخ تورنادونون تأثیری نتیجهسینده میسیسیپی ایالتی و اطرافیندا 26 نفرین حیاتینی ایتیرمهسینین آردیندان بؤلگه اوچون فدرال فوق العاده وضعیت اعلان ائتدیگینی آچیقلاییب.
میللی متورولوژی خیدمتی رولینگ فورک-دا تأثیرلی اولان تورنادونون 5 اوزریندن 4 شدتینده اولدوغو و سرعتینین ساعاتدا 300 کیلومتری کئچدیگی آنلارین تثبیت ائدیلدیگی بارهده معلومات پایلاشیب.
فدرال فوق العاده حاللارین ایداره اولونماسی آژانسینین (FEMA) رسمیلری بؤلگه خالقینا ائتدیگی یاردیملارینی توییترده پایلاشیم ائتدیکده، میسیسیپی ایالتینین جمهوریتچی فرمانداری تیت ریوز وطنداشلارا تهلوکهسیزلیکله باغلی خبردارلیق ائدیب.
مارسین 23-و آخشام ساعاتلاریندا میللی متورولوژی خیدمتی (NWS) فلاکتدن اول ایالتین رولینگ فورک ایستیقامتینده تورنادو ایله باغلی خبردارلیق ائدهرک "اؤزونوزو قوروماق اوچون درحال تدبیر گؤرون" بیاناتینی یایمیشدی.