مولداوی-ده مین‌لرله اینسان حکومته اعتراض ائدیب
مولداوی-نین پایتاختی کیشینودا مین‌لرله اینسان حکومته اعتراض ائدیب.
مولداوی-نین پایتاختی کیشینودا مین‌لرله اینسان حکومته اعتراض ائدیب.
مولداوی پارلامئنتینده شور پارتیاسی‌نین تشکیل ائتدیگی اعتراضلارا قاتیلان مین‌لرله اینسان کیشینودا بؤیوک میللت مجلیسی میدانینا و حکومت بیناسینا یوروش کئچیرمک ایسته‌ییب.
زامان-زامان یوروشون قارشی‌سینی آلماغا چالیشان پولیس ایله نوماییشچی‌لر آراسیندا قارشیدورما یارانیب.
بیلدیریلیب کی، کیشینو‌داکی نوماییش‌لرده ایشتیراک ائتمک اوچون اؤلکه‌نین دیگر شهرلریندن اتوبوس لارلا گتیریلن وطنداش‌لارین شهره گیریشی‌نین قارشی‌سی آلینیب.
حکومت علیهینه شعارلارین سسلندیریلدیگی اعتراضلار، طبیعی گاز، الکتریک انرژیسی و دیگر محصول‌لارین باهالاشماسی ایله باغلی آکسیا‌لار کئچیریلیب.
نوماییشچی‌لر حکومت‌دن دسامبرر-فوریه آیلاریندا الکتریک انرژیسی و طبیعی گاز حاق‌لاری‌نین اؤدنیلمه‌سینی طلب ائدیب‌لر.
مولداوی جمهوریتینین قاقاوز موختار ویلایتی‌نین پایتاختی کومراتدا دا اعتراض نوماییش‌لری کئچیریلیب.
مولداوی ایچ ایشلر ناظیرلیگیندن وئریلن آچیقلامادا نوماییش‌لر زامانی 54 نفرین قاداغان ائدیلن محصول‌لار داشیدیق‌لاری سببیله ساخلانیلدیغی بیلدیریلیب.
