آمریکادان روسیا راپورو
راپور‌دا، روسیانین "ساواش بؤلگه‌لریندن قاچیردیغی اوکراینالی اوشاقلارا تعلیم وئرمک و اؤولادلیغا وئرمک اوچون" گؤزآلتی سیستمی شبکه‌سی قوردوغونا ایشاره ائدیلیر
آمریکا بیرلشمیش دؤولتلری خارجی ایشلر باخانلیغی، "روسیا طرفیندن قاچیریلان اوکراینالی اوشاقلار اوچون" قوردوغو دوشرگه‌لرله باغلی بیر راپور آچیقلایاراق موسکوانین ساواش سوچو ایشله‌دیگینی بیلدیردی.
باخانلیغین سؤزچولوک دفتریندن وئریله‌ن یازیلی آچیقلامادا، یاله اونیوئرسیته‌سینین دستگی ایله حاضرلانان راپور‌دا، روسیانین "ساواش بؤلگه‌لریندن قاچیردیغی اوکراینالی اوشاقلارا تعلیم وئرمک و اؤولادلیغا وئرمک اوچون" گؤزآلتی سیستمی شبکه‌سی قوردوغونا ایشاره ائدیلدیگی بیلدیریلدی.
آچیقلامادا،
"روسیانی مسئولیته جلب ائتمک» پروگرامی چرچیوه‌سینده حاضرلانان یئنی راپورا گؤره، روسیانین "مینلرجه اوکراینالی اوشاغا قارشی پتانسیل بیر ساواش سوچو" اولاراق تانیملانان، ان آز ۴۰ اوشاق باخیم مرکزیندن اولوشان سیستماتیک بیر شبکه‌سی اولدوغو قید ائدیلدی.
"اوکراینالی اوشاقلارین یئنیدن تعلیمی و اؤولادلیغا وئریلمه‌سی اوچون روسیانین سیستماتیک پروگرامی" باشلیقلی راپور‌دا، کرملین یؤنه‌تیمینین قارا دنیز ساحللریندن سیبریه قدر اوزانان بیر دوشرگه‌لر شبکه‌سی قوردوغونا دایر بلگه و بیلگیلر پایلاشیلدی.
بونون ژنو سؤزلشمه‌سینه ضد اولدوغو وورغولانان راپور‌دا،
"روسیا، یئرلری دییشدیریلن و دیپورت ائدیلن اوکراینالی اوشاقلارین ثبت لیستیلرینی پایلاشمالی و موستقیل گؤزلمچیلرین، اوکراینانین روسیا طرفیندن ایشغال اولونموش بؤلگه‌لرینده و روسیا ایچینده ایلگیلی تاسیسلره گیریشینه ایجازه وئرمه‌لیدیر" ایفاده‌لری ایشله‌دیلدی.
روسیا قوشونلاری ۲۴ فوریه‌ده اوکراینایا سالدیری باشلاتمیشدی.
ایلگیلی‌لی خبرلر
پسکوو باتی اؤلکه‌لرینین اوکراینا قوشون یئریتمک ایسته‌یینی دیرلندیریب
کرملین سؤزچوسو دمیتری پسکوو: بو، اصلینده، ناتو عسگرلرینین روس عسگرلرینه قارشی قویماسیدیر
