آلبارس:" اودوزان تکجه اوکراینا دئییل، بوتون آوروپا اولاجاق "
ایسپانیانین خاریجی ایشلر ناظیری خوزه مانوئل آلبارس بیلدیریب کی، روسیا اوکراینایا قارشی محاربهده غالیب گلرسه، اودوزان تکجه اوکراینا دئییل، بوتون آوروپا اولاجاق.
![آلبارس:" اودوزان تکجه اوکراینا دئییل، بوتون آوروپا اولاجاق "](http://cdn.trt.net.tr/images/xlarge/rectangle/3170/7a0d/c08b/6638c8234edd7.jpg?time=1722045972)
ایسپانیانین خاریجی ایشلر ناظیری خوزه مانوئل آلبارس بیلدیریب کی، روسیا اوکراینایا قارشی محاربهده غالیب گلرسه، اودوزان تکجه اوکراینا دئییل، بوتون آوروپا اولاجاق.
ناظیر آلبارس مادرید-ده ایسپانیانین اؤزل خبر آژانسی اروپا پرس طرفیندن تشکیل ائدیلن تدبیرده چیخیش ائدیب.
روسیانین 2022-جی ایلده اوکراینایا تجاوزو و بو اؤلکهیه قارشی باشلادیغی محاربه و ایسراییلین غزه-یه هوجوملارینین "آوروپانین کؤورکلیگینی گؤستردیگینی" وورغولایان آلبارس، "اوکراینا اودوزسا، وارلیغی سونا چاتاجاق و دونیا داها دا اعتبارسیز اولاجاق. روسیا اودوزسا، آنجاق او اودوزموش اولور." دئدی.
آلبارس، اؤلکهسینین اوکراینانین ایشغالینا قارشی روسیایا وئردیگی کیمی، غزه هوجوملارینا قارشی دا ایسراییله عینی رئاکسیا وئردیگینی مدافعه ائدهرک، "عینی اساسدا حرکت ائدیریک. بیز باریشین، عدالتلی باریشین گئری دؤنمهسینی ایستییریک. بیرلشمیش میللتلر تشکیلاتینین (بمت) کنوانسیون لارینا عمل اولونماسینی ایستییریک". دئدی.