یئنی زلاندیانین باش ناظیری ایستعفا وئریب
بو ایل کئچیردیگی ایلک مطبوعات کنفرانسیندا او، فوریه‌نین 7-ده وظیفه‌سینی ترک ائدجگینی آچیقلاییب.
1935013
یئنی زلاندیانین باش ناظیری جاسیندا آردرن ایستعفا وئردیگینی آچیقلاییب.
بو ایل کئچیردیگی ایلک مطبوعات کنفرانسیندا او، فوریه‌نین 7-ده وظیفه‌سینی ترک ائدجگینی آچیقلاییب:
"من بو ایشی گؤرمک اوچون نه لازیم اولدوغونو بیلیرم و بیلیرم کی، گوجوم چاتمیر. بو، چوخ ساده‌دیر".
اونون ایستعفاسی داوامچی‌سی‌نین تعیین ائدیلمه‌سی ایله قوه‌یه مینیر. ایشچی پارتیاسی‌نین یئنی لیدری هله شنبه گونو سئچیلمه‌لی‌دیر. آردرن 2017-جی ایلده 37 یاشیندا حکومت باشچی‌سی سئچیلرکن حکومته رهبرلیک ائدن دونیانین ان گنج قادینلاریندان بیری اولوب. یئنی زلاندیانین یئنی حکومتی اوکتبرین 14-ده سئچیله‌جک.
