آفریقادان ایسپانیایا اؤلوم یولچولوغو
دنیزده حیاتینی ایتیرهن کؤچمنلرین یۆزده ۹۱،۴۲سینین جسدلری تاپیلابیلمهدی
قوزئی آفریقادان ایسپانیا ساحللرینه دوغرو دنیز یولو ایله یاسا دیشی کؤچده گئچن ایل ۲۳۹۰ نفرین حیاتینی ایتیردیگی آچیقلاندی.
ایسپانیادا مدنی قورولوش اولان "کامیناندو فرونتراس" (یئریین سرحدلر) قوزئی آفریقادان ایسپانیایا یاسا دیشی کؤچ ایله باغلی ۲۰۲۲-جی ایل راپورونو پایلاشدی.
راپوردا، ایسپانیایا دۆزنسیز کؤچده ان چتین مسیر اولاراق گؤستریلهن، آتلانتیک اقیانوسو اۆزریندهکی قناری آدالاریندا، یولچولوق زامانی حیاتینی ایتیرهن کؤچمنلرین ساییسینین ۱۷۸۴ اولدوغو قید ائدیلدی.
قناری آدالاریندا اؤلنلر ده داخیل اولماق اۆزره، ایسپانیایا گئتمک ایستیرکهن قاییق، منفی هاوا شرطلری سببی ایله قاییق، کیچیک گمی کیمی اونلاری داشییان دنیز واسطهلرینین باتماسیندان، وجوددا مایع مقدارینین دۆشوشو و غذا یئترسیزلیگیندن دولایی حیاتینی ایتیرهن توپلام ۲۳۹۰ کؤچمندن ۲۸۸ نفری قادین، ۱۰۱ نفرینین ده اوشاق اولدوغو بیلگیسینی پایلاشدی.
دنیزده حیاتینی ایتیرهن کؤچمنلرین یۆزده ۹۱،۴۲سینین جسدلرینین تاپیلابیلمهدیگینه دقت چکهن راپوردا، بونون عایلهلر اۆزرینده "حقوقی و پسیکولوژیک نتیجهلرینه گؤره قورخونج بیر تأثیر قویدوغو" ایفاده ائدیلدی.
راپوردا، دۆزنسیز کؤچمنلرین "هر دفعه چوخ داها چتین یوللارلا ایسپانیایا چاتماغا چالیشدیغی" قید ائدیلدی.
ایسپانیایا دوغرو کؤچده "قارا ایل" اولاراق گؤستریلهن ۲۰۲۱-جی ایلده ۴۶۳۹ نفر حیاتینی ایتیرمیشدی.
ایلگیلیلی خبرلر
اتوبوس سانحهسینده ان آز ۲۳ نفر اؤلدو
پرودا، بیر اتوبوسون اوچورومدان دۆشمهسی نتیجهسینده ایلک بیلگیلره گؤره ۲۳ نفر حیاتینی ایتیردی