"گونئی ایله قوزئی آراسیندا قاپی آچمالیییق"
قوزئی کرهنین ۲۰۲۲.جی ایلده اولکی ایللره نیسبتاً، بیر ایلده آتدیغیندان داها چوخ موشک آتماسی کره یاریم آداسی و دوغو آسیادا گرگینلیگی آرتیردی
گونئی کره دؤولت باشقانی یون سوک یول، قوزئی کرهنین نۆوه تهدیدلرینه قارشی اورتاق مانورلار پلانلاشدیرماق و گئچیرمک اوچون آمریکا ایله دانیشیقلار آپاردیغینی آچیقلادی.
یونهاپین خبرینه گؤره، یون اؤلکهنین «چوسون ایلبو» قزئتینه آمریکا و قوزئی کره ایله ایلیشکیلری بارهده دانیشدی.
یون، آمریکانین گونئی کرهیه سوندوفو"نۆوه چتری" و یا "گئنیشلندیریلمیش چکیندیرمه" استراتژیلرینین اؤلکه خالقینی راحاتلاتماق اوچون کیفایت ائتمهدیگینی بیلدیردی.
"چتر" استراتژیسینین قوزئی کره نۆوه سلاحی گلیشدیرمهدن اول سووئت اتفاقی و چینه قارشی بیر حاضرلیق اولدوغونا دقت چکهن یون،
"بیز ایندی آمریکا ایله فعال گئنیشلندیریلمیش چکیندیرمه استراتژیسی اوچون نۆوه ظرفیتی باخیمیندان اورتاق پلانلاما و اورتاق مانورلار حاقیندا دانیشیقلار آپاریریق. آمریکا دا بونا چوخ مثبت یاناشیر" ایفادهلرینی ایشلتدی.
آمریکانین "نۆوه پایلاشیم" سؤزوندن راحاتسیز اولدوغونو ایفاده ائدن یون، "یونون یئرینه بو استراتژینی، گونئی کره و آمریکانین اورتاق اولاراق تکجه نۆوه گوجلرین عملیاتلارینی اوچون پلان حاضیرلاماقلا قالماییب عینی زاماندا بیلگی پایلاشیمینا دایالی مانور، تعلیم و عملیاتلار یئریتدیگی بیر آنلاییشینا چئویرسک، او زامان 'نۆوه پایلاشیم' قدر تأثیرلی بیر تدبیر اولاجاق " دئدی.
یون، نۆوه سلاحلارین آمریکایا عاید اولسا دا، اطلاعات پایلاشیمی، پلانلاما و تعلیمین ایکی اؤلکه طرفیندن اورتاق شکیلده حیاتا گئچیریلمهلی اولدوغونو قید ائتدی.
اینسانلارین "گؤستری آماجلی" ائدیلن ذیروه گؤروشلریندن بئزدیگینی دئین یون، آنجاق ایکی اؤلکه آراسینداکی ذیروهنی رد ائتمک اوچون هئچ بیر سبب اولمادیغینی بیلدیردی.
یون، "اینسانی مؤوضوعلاردا دیالوگلا باشلامالیییق، گونئی ایله قوزئی آراسیندا تماس و دیالوگا قاپی آچمالیییق. هر ایکی اؤلکهنین گوندمینی ده بللی اؤلچوده ماسایا قویاراق ایستیقامت تعیین ائتمهلیییک" ایفادهلردینی ایشلتدی.
موصاحیبه، قوزئی کره لیدئری کیم یونگ اونون گونئی کرهنی "دارتیشماسیز دوشمنیمیز" اولاراق آدلاندیرماسی و اؤلکهسینین نۆوه مهماتینین "تصاعدی اولاراق آرتیریلماسی" چاغیرماسی وئرمهسیندن بیر گون سونرا یاییملاندی.
قوزئی کرهنین ۲۰۲۲.جی ایلده اولکی ایللره نیسبتاً، بیر ایلده آتدیغیندان داها چوخ موشک آتماسی کره یاریم آداسی و دوغو آسیادا گرگینلیگی آرتیردی.
پیونگ یانگ، ۲۰۲۳.جو ایلین ایلک ساعاتلاریندا بالیستیک موشک سیناغی ائتمیشدی.