اونروا غزه زولاغینین قوزئیینه اینسانی یاردیم گؤتوروب
اونروا آتیشکسین غزه خالقینین حیاتینی خیلاص ائتمک اوچون یگانه اومید اولدوغونو وورغولاییب
بیرلشمیش میلتلر تشکیلاتینین یاخین شرقدهکی فیلیسطینلی قاچقینلارا یاردیم و ایشلر اوزره آژانسی (اونروا) غزه زولاغینین قوزئیینده یئرلشن جبالیه قاچقینلار دوشرگسینه اینسانی یاردیم ملزمهلری چاتدیریب.
اونروادان وئریلن یازیلی آچیقلامادا، طبی لوازیمات و سویون تمیزلنمهسی دستیینین تامین ائدیلمهسی اوچون بیرلشمیش میلتلر تشکیلاتینین اوشاق فونو (ایونیسف) ایله امکداشلیق چرچیوهسینده غزهنین قوزئیینده تهلوکهلی بؤلگهیه اینسانی یاردیم عملییاتی آپاریلدیغی بیلدیریلیب.
آچیقلامادا جبالیه قاچقینلار دوشرگسینه اینسانی یاردیمین چاتدیریلدیغی و غزهنین بوتون بؤلگهلرینده اینسانلارین حیاتینی خیلاص ائتمک اوچون اینسانی یاردیمین اساسینی تشکیل ائتدیگی بیلدیریلیب.
آچیقلامادا آتیشکسین غزه خالقینین حیاتینی خیلاص ائتمک اوچون یگانه اومید اولدوغو وورغولانیب.
ایسرائیل 7 اکتبر 2023-جو ایلدن بری هوجوملارینی داوام ائتدیردیگی غزهده یاشایان 2.3 میلیون فیلیسطینلینی آجلیغا محکوم ائدیر.
