یولچو اوچاغی پیستدن چیخدی
اوچاق، قضادان اؤنجه ایکی دفعه پیسته ائنمه‌یه چالیشدی آنجاق الوئریشسیز هاوا شرایطی سببی ایله ائنه‌بیلمه‌دی
1896540
فیلیپین‌ده کورین ایر شیرکتینه عاید یولچو اوچاغی الوئریشسیز هاوا شرایطی سببی ایله ائنیش سیراسیندا پیستدن چیخدی.
سئول-سبو سفرینی حیاتا گئچیره‌ن آ۳۳۰-۳۲۲ تیپی یولچو اوچاغی، ماکتان-سبو اولوسلارآراسی هاوا لیمانینا ائنرکن چمنلر اوزرینده‌کی سیگنال تابلولارینا ووردو.
بؤیوک ضرر گؤره‌ن اوچاقدا اولان ۱۶۲ یولچو تخلیه ائدیلدی.
سانحه‌ده جان ایتکیسی اولمازکن، یولچولار طبی معاینه اوچون ترمینال بیناسینا آپاریلدی.
رادار گؤرونتولرینده اوچاغین قضادان اؤنجه ایکی دفعه پیسته ائنمه‌یه چالیشدیغی آنجاق الوئریشسیز هاوا شرایطی سببی ایله ائنه‌بیلمه‌دیگی و اوچونجو ائنیش سیراسیندا عاجل ائنیش بیلدیردیگی معین ائدیلدی.
کورین ایردن وئریله‌ن آچیقلامادا سانحه ایله باغلی آراشدیرما آپاریلدیغی بیلدیریلدی.
