ولنسکی :"اوکراینا هئچ واخت روسیانین تهلوکهسیزلیگینی تهدید ائتمهییب"
زلنسکی اولوسلار آراسی توپلومو ساواشی دایاندیرماغا چاغیریب.
اوکراینا پرزیدنتی ولودیمیر زلنسکی اؤلکهسینین هئچ واخت روسیا فدراسیونونون تهلوکهسیزلیگینی تهدید ائتمهدیگینی بیان ائدیب و اولوسلار آراسی توپلومو ساواشی دایاندیرماغا چاغیریب.
سوسیال مئدیا حسابلاریندا یاییملادیغی ویدئو مراجیتده خالقا مراجعت ائدن زلنسکی روسیا فدراسیونونون اوکراینایا قارشی باشلاتدیغی آمانسیز ساواش دا بیر آیی گئریده قویدوقلارینی بیلدیریب.
"اوکراینا هئچ واخت روسیا فدراسیونونون تهلوکهسیزلیگینی تهدید ائتمهییب. ایندی ده بیز سیزین تورپاغینیزدا دئییل، اؤز تورپاقلاریمیزدا خالقیمیزا باریشین برقرار اولماسی اوچون هر شئیی ائدیریک"، - زلنسکی بیلدیریب.
روسیا وطنداشلارینا مراجعت ائدن زلنسکی "دؤولتلرینین سیاستیندن یرنن" اینسانلارین چوخ اولدوغونا امین اولدوغونو بیلدیریب و بئله داوام ائدیب:
"امینم کی، بعضیلرینیز تلویزیون کاناللارینیزدا گؤردوکلرینیزدن بئزمیسینیز. تبلیغاتچیلار سیزین وئرگیلرینیزله معاش آلیرلار. روسیا وطنداشلاری گئتدیکجه یوخسوللاشیر. حکومتینیزین هر گون سیزدن داها چوخ پول طلب ائتمهسی آخماقلیق دئییل می؟ سنی داها کاسیب ائتمک، دونیادان تجرید ائتمک، سنی ایداره ائتمک و محاربهده اؤلمهیه گؤندرمک؟".
ولودیمیر زلنسکی "اونا گؤره ده باریش ایستهین روسیا وطنداشلاری اوغوللارینیزی ساواش دان خلاص ائدین. اونلارا ساواش حاقیندا حقیقتی سؤیلهین. ساواشا وئرگیلرینیزی اؤدمهمک اوچون روسیانی ترک ائدین" دئییب.
روسیانین محاربهسینین تکجه اوکراینایا قارشی محاربه اولمادیغینا دقت چکن زلنسکی بئله داوام ائدیب:
"هامیمیز روسیانی دایاندیرمالیییق، دونیا ساواشی دایاندیرمالیدیر. من اوکراینایا دستک اوچون امگی کئچن هر کسه میننتدارام، اما ساواش داوام ائدیر. سیویل اینسانلارا قارشی ترور داوام ائدیر. بیر آیدیر. اوزون مدتدیر. اورییم، اوکراینالیلارین و دونیانین بوتون آزاد اینسانلارینین اوریی اینجینیر. اونا گؤره ده ایستییرم کی، سیز ساواشا قارشی چیخاسینیز".