لیز تراس: "روسیانین حربی گوجونون آزالدیغینا دایر علامت یوخدور"
اینگیلترهنین خاریجی ایشلر ناظبری لیز تراس روسیانین حربی گوجونون آزالدیغینا دایر علامت اولمادیغینی بیلدیریب.
اینگیلترهنین خاریجی ایشلر ناظبری لیز تراس روسیانین حربی گوجونون آزالدیغینا دایر علامت اولمادیغینی بیلدیریب.
ناظبر “حاضبردا روسلارین اوکراینا یاخینلیغینداکی سرحد بؤلگهلریندن گئری چکیلمهسینه دایر هئچ بیر ثبوت یوخدور” دئییب.
لیز تراس "تلگراف" اوچون یازدیغی مقالهده روسیانین یالنیز گوجه حؤرمت ائتدیگینی، بونا گؤره ده امریکا داخیل اولماقلا ناتو متفیقلری ایله روسیایا قارشی سرت جاواب وئرمهیه داوام ائدهجکلرینی وورغولاییب.
دیپلماسی اوچون بیرگه سعی لرینین داها اول گؤرونمهمیش جدی تحریم لر تهلوکهسی ایله بیرلیکده کریتیک اهمیت کسب ائتدیگینی وورغولایان تراس دئییب:
"روسیانین بعضی قوشونلارین پایگاه لارینا قاییتماسی ایله باغلی ادعاسی ایله بیزده یانلیش تهلوکهسیزلیک حیسی اولمامالیدیر. روسیا اوردوسونون گوجلنمهسی هئچ بیر لنگیمه علامتی گؤسترمیر. حاضیردا روسلارین اوکراینا یاخینلیغینداکی سرحد بؤلگهلریندن گئری چکیلمهسینه دایر هئچ بیر ثبوت یوخدور. "
تراس روسیانین هر آن ایشغالا باشلاماق اوچون جانلی قوه و تجهیزاتا مالیک اولدوغونو بیلدیکلرینی دئییب.
اینگیلتره-نین خاریجی ایشلر ناظیری تراس دئییب کی، کرملین-ین اوچورومدان گئری چکیلمک و دیپلماسی واسیطهسیله باشقا یول سئچمک اوچون هله واختی وار.
بو آرادا، ناظیر تراس اینگیلترهنین اوکراینانین اگمنلیگینه دستکینی بیر داها تصدیقلمک و مسکوا-نی سرحد بویو حربی بیرلشمهلرینی دایاندیرماغا چاغیرماق اوچون بو گون کیئوه سفر ائدهجک.
تراس سفر چرچیوهسینده همکاری اوکراینانین خاریجی ایشلر ناظیری دمیترو کولبا ایله گؤروشهجک.