پنتاگون: روسیانین سرحدده حربی فعاللیغی آرتدی
امریکا ساوونما ناظیرلیگینین (پنتاگون) سؤزچوسو جان کربی روسیانین اوکراینا سرحدینه یاخین بؤلگهلرده و بلاروس-دا سون 24 ساعات عرضینده حربی گوجونو آرتیردیغینی آچیقلاییب.
امریکا ساوونما ناظیرلیگینین (پنتاگون) سؤزچوسو جان کربی روسیانین اوکراینا سرحدینه یاخین بؤلگهلرده و بلاروس-دا سون 24 ساعات عرضینده حربی گوجونو آرتیردیغینی آچیقلاییب.
گوندهلیک مطبوعات کنفرانسیندا گوندمی شرح ائدن جان کربی اوکراینا سرحدیندهکی حادثهلری یاخیندان ایزلهدیکلرینی سؤیلهییب:
"روسیانین حربی ییغیناغینا گلدیکده، روسلار سون 24 ساعات عرضینده اؤز اؤلکهلرینین باتی سیندا و بلاروس-دا اهمیتلی دؤیوش قوهلری ییغماغا داوام ائتدیلر. گوندهلیک آرتیملار اولمادان، اوراداکی اؤز ایمکانلارینی دراماتیک شکیلده اولماسا دا، معین درجهده آرتیردیقلارینی گؤرمکده داوام ائدیریک".
اوکراینایا ساوونما دستکی وئرمهیه داوام ائتدیکلرینی وورغولایان کربی اوکراینایا نیه هاوا هوجوموندان ساوونما سیستمی وئرمهدیکلری ایله باغلی سوالا بئله جاواب وئریب:
"اوکراینایا وئریلن سلاحلارین تفررواتلارینا توخونمایاجاغام. اونلارین احتیاجلاری ایله باغلی دایمی علاقه ساخلاییریق. دوشونورم کی، سؤزوگئدن سلاحلارلا باغلی بو دانیشیقلار داوام ائدهجک. بورادان هئچ بیر سلاحین چاتدیریلماسی یاخود دا او سلاحلا باغلی تسلیم تقویمی بارهده هئچ بیر وعد وئرمیرم".
حاضیر وضعیتینده اولان 8500 عسگر حاقیندا دا بعضی معلوماتلار وئرن کربی افغانیستان و عراق-ین ایشغالیندا دا ایستیفاده ائدیلن 82-جی و 101-جی هاوا ایندیرمه لشگرلری ایله 4-جو پیادا لشگرلرینین بعضی حیسهلری ایله آریزونا، تگزاس، لوئیزیانا و جورجیادا اولماقلا 4 هاوا بازاسینین حاضیر وضعیتینه گتیریلدیگینی بیلدیریب.