پاریسده کؤچمنلره قیلینجلی سالدیری
چادیرلاردا یاشایان کؤچمنلر، دونن، یوخودا ایکن بیر نفرین قیلینجلی سالدیریسینا اوغرادی
فرانسانین باشکندی پاریسده بیر نفرین کؤچمنلری قیلینجلا یارالادیغی "عیرقچی" سالدیرییلا باغلی سوروشدورما آچیلدی.
برسی پارکدا چادیرلاردا یاشایان کؤچمنلر، دونن، یوخودا ایکن بیر نفرین قیلینجلی سالدیریسینا اوغرادی.
سالدیرقان قیلینجییلا کؤچمنلرین چادیرلارینی کسمهیه باشلایینجا اونا موداخیله ائتمک ایستهیهن سودانلی ۲ کؤچمنی ده قیلینجلا یارالادی.
یارالی کؤچمنلردن بیرینین اؤلوم تهلوکهسی وار.
پاریس بلدیهسینین کؤچمنلردن مسئول باشقان کؤمکچیسی ایان بروسات، سالدیرینی "عیرقچی" اولاراق تانیملادی.
حادثه یئرینه گئدن پلیسلر طرفیندن ائتکیسیز حالا گتیریلیب گؤزآلتینا آلینان شخص حاقیندا "عمدی خشونتدن" سوروشدورما باشلادیلدی.
کاله شهرینده ده داها اول، اینگیلترهیه گئچمک اوچون گؤزلهیهن کؤچمنلرین یاشادیغی چادیرلاری، پلیسلر و ساحهدهکی دیگر مسئوللارین اللرینده بیچاقلارلا کسدیگی گؤرونتولر یاییلمیشدی.
گؤرونتولر انسان حاقلاری ساوونوچولارینین تپکیسینه سبب اولموشدو.
ایلگیلیلی خبرلر
بمت اوکراینادا آرتان هوجوملارلا باغلی خبردارلیق ائدیب
بمت تهلوکهسیزلیک شوراسیندا اوکرایناداکی اینسانی وضعیتله باغلی حادثهلر موذاکیره ائدیلیب.