آمریکا، ایرانین نفت گمیسی ادعالارینی یالانلادی
"گئچه‌ن هفته، ایران انقیلاب گؤزتچیلرینین اولوسلارآراسی سولاردا حرکت حالین‌داکی بیر تانکر گمی‌سینه یاسادیشی اولاراق چیخدیغینی گؤردوک آنجاق مداخیله ائتمه‌دیک"
واشینگتن، ایرانین سپاه اوردوسونون، عمان دنیزین‌ده آمریکا بیرلشمیش دؤولتلری طرفین‌دن ال قویولماغا چالیشیلان بیر ایران نفت تانکرینی قورتاردیغینا دایر ادعالارینی یالانلادی.
آمریکا ساوونما باخانلیغین‌دان (پنتاگون) بیر یئتکیلی، ایرانین ادعاسینین گئرچک اولمادیغینی سؤیله‌دی.
آدینین آچیقلانماسینی ایسته‌مه‌یه‌ن یئتکیلی،
"گئچه‌ن هفته، ایران انقیلاب گؤزتچیلرینین اولوسلارآراسی سولاردا حرکت حالین‌داکی بیر تانکر گمی‌سینه یاسادیشی اولاراق چیخدیغینی گؤردوک آنجاق مداخیله ائتمه‌دیک" دئدی.
یئتکیلی، ایران گوجلرینین سؤز قونوسو گمینی ایران سولارینا آپاردیغینی ادعا ائتدی.
ایران، آمریکانین عمان دنیزین‌ده بیر ایران نفت تانکرینه ال قویماغا چالیشدیغینی آنجاق باشاریسیز اولدوغونو بیلدیرمیشدی.
ایران دؤولت تلویزیونوندا، آمریکانین، گمینین داشیدیغی نفتی باشقا بیر تانکره یوکلدیک‌دن سونرا تانکری بیلینمه‌یه‌ن بیر نقطه‌یه آپاردیغی ادعا ائدیلمیشدی.
