بمت:"قارشیدورمالار کووید-19 ایله موباریزه‌ده سعی لری چتینلشدیریر"
بمت یئتکیلیلری تهلوکه‌سیزلیک شوراسی‌نین آنلاین ییغینجاغیندا قارشیدورما بؤلگه‌لرینده‌کی وطنداش‌لارین وضعیتیله باغلی موذاکیره آپاریب‌لار.
بیرلشمیش میللت‌لر تشکیلاتی یئنی تیپ کوروناویروس (کووید-19) اپیدمیسی دؤورونده بئله قارشیدورما‌لارین دایاندیریلماسی چاغیریشینا باخمایا‌راق دونیانین آیری-آیری بؤلگه‌لرینده آتیشما‌لارین سوردوگونو و بونون خسته‌لیکله موباریزه سعی‌لرینی زورلاشدیردیغینی بیلدیریب.
بمت یئتکیلیلری تهلوکه‌سیزلیک شوراسی‌نین آنلاین ییغینجاغیندا قارشیدورما بؤلگه‌لرینده‌کی وطنداش‌لارین وضعیتیله باغلی موذاکیره آپاریب‌لار.
بمت اینسانی مسئله‌لر اوزره مسئول باش کاتیب معاوینی مارک لووکوک دئییب: "کووید-19" دؤورو بویو سوریه-دن یمنه، کنگو دموکراتیک جمهوریتیندن موزامبیکه قدر اولان بؤلگه‌لرده قارشیدورمالار سوردو. بو وضعیت نینکی ویروسون یاییلماسی‌نین قارشی‌سی‌نین آلینماسی، خستلیگین بولاشدیغی اینسان‌لارین معالیجه‌‌سینه قارشی منفی تأثیر ائتدی. عینی زاماندا، اپیدمی دؤورونده تاخیره سالینان اوچوش‌لار، سرحدلرین باغلانیلماسی، سیاحت محدودلاشدیرما‌لاری و قرنطینه تدبیرلری قارشیدورما بؤلگه‌لرینه اینسانی یاردیم چاتدیریلماسینا مانع اولدو. اوسته‌لیک اؤلکه‌لرده آساییشین پوزولماسی، تحریم لر، ترورلا موباریزه تدبیرلری و ایداری مانع‌لر اینسانی عملیات‌لاری ایجرا ائتمگی چتینلشدیردی."
