بیرلشمیش ملتلردن قادین رولونون اؤنمینه وورغو
سیاسی و دؤولتین یوکسک سویهلی ساحهلرینده قادینلارا یئر وئریلمهسینین اولوملو گلیشمهلر اولدوغو وورغولاندی
بیرلشمیش ملتلر تشکیلاتی امنیت شوراسی، باتی آفریقا و ساحل بؤلگهسیندهکی چاتیشمالارین سونا چاتماسیندا و باریشین تامین ائدیلمهسینده قادینلارین اؤنمینه دقت چکدی.
بیرلشمیش ملتلرین یازیلی آچیقلاماسیندا، باتی آفریقا و ساحل بؤلگهسیندهکی سیاسی و دؤولتین یوکسک سویهلی ساحهلرینده قادینلارا یئر وئریلمهسینین اولوملو گلیشمهلر اولدوغو بیلدیریلدی و بؤلگهدهکی گوونسیزلیک اورتامینا سون قویماق اوچون یئریدیلن چالیشمالارا قادینلارین دا داخیل ائدیلمهسی گرکلیلیگی وورغولاندی.
بورکینا فاسو، فیلدیشی ساحلی، غنا، گینه و نیجرده ائدیلهن سئچیم پروسهلرینده قادینلارین فعال رول اویناماسینین سئویندیریجی اولدوغونو بیلدیرن امنیت شوراسی، چاتیشمالارا سون وئرمک، باریشی قوروماق و چاتیشما سونراسی سورهجین ایدارهسینده قادینلارین وئرهجگی دستگین اؤنمینه دقت چکدی .
ایلگیلیلی خبرلر
ایسپانیانین باش ناظیری ایستعفا وئرمهیهجگینی آچیقلاییب
ایسپانیانین باش ناظیری پدرو سانچز اؤز وظیفهسینده قالاجاغینی آچیقلاییب.