دونیادا کروناویروس انفکسیونونا یولوخان‌لارین سایی 22 میلیون نفری اؤتوب

یئنی نوع کروناویروس اپیدمیسی سببیندن ایندییه‌دک حیاتینی ایتیرنلرین سایی 791 مین 34-ا یاخینلاشیب، ویروسا یولوخان‌لارین سایی 22 میلیون 582 مینی، انفکسیونودان معالیجه اولونا‌راق ساغالان اینسان‌لارین سایی ایسه 15 میلیون 304 مینی کئچیب.

اپیدمی‌دن ان چوخ تأثیرلنن امریکا-دا اؤلن‌لرین سایی 176 مین 342، ویروسا یولوخان‌لارین سایی 5 میلیون 701 مین اولوب.

یئنی نوع کروناویروس اپیدمی سیندن ان چوخ اذیت چکن ایکینجی اؤلکه اولان برزیل-ده ویروس قایناق‌لی اؤلوم حال‌لاری‌نین سایی 111 مین 100-ا چاتیب، یولوخما حال‌لارین سایی ایسه 49 مین 298 آرتا‌راق 3 میلیون 456 مین 652-یه یوکسلیب. سون 24 ساعات عرضینده ایسه 1212 آدام حیاتینی ایتیریب.

مکزیک-ده "کووید-19"دان جان ایتکی‌سی 707 آرتا‌راق 58 مین 481، یولوخما حادثه‌لری‌نین سایی 5 مین 792 آرتا‌راق 537 مین 31-ا چاتیب.

ایسپانیا-دا ساغلیق ناظیرلیگی "کووید-19" انفکسیونوندان سون 7 گونده 131 اینسانین اؤلدوگونو و ویروسلا علاقه‌دار اؤلن‌لرین سایی‌نین 28 مین 797-یه یوکسلدیگینی آچیقلاییب. ناظیرلیک سون 24 ساعات عرضینده 3 مین 715 یئنی یولوخما حادثه‌سی‌نین آشکارلاندیغینی دا بیلدیریب.

دونیادا ان چوخ یولوخما حال ‌لاری‌نین سایینا گؤره اوچونجو اؤلکه اولان هیندوستان-دا 977 نفرین اؤلومو ایله ویروس‌دان اؤلن‌لرین سایی 53 مین 866-یا یوکسلیب. سون 24 ساعات عرضینده اؤلکه‌ده 69 مین 652 یئنی یولوخما حادثه‌سی آشکارلانیب و یولوخما‌لارین عمومی سایی 2 میلیون 836 مین 925-ا چیخیب.

افریقا قاره سینده اپیدمی سببیندن اؤلن‌لرین سایی 323 آرتا‌راق 26 مین 680، ویروسون یولوخدوغو اینسان‌لارین سایی سون 24 ساعاتدا 10 مین 525 آرتا‌راق 1 میلیون 151 مینه چاتیب.

بو گونه قدر "کووید-19"دان ان چوخ اینسان ایتکی‌سی 12 مین 423 اؤلومله گونئی افریقا، 5 مین 197 اؤلومله میصر و 1402 اؤلومله الجزایر-ده قئیده آلینیب.