دونیا-دا کروناویروس قوربان‌لاری‌نین سایی 270 مینی کئچیب
دونیا-دا اپیدمی دن اؤلنلرین سایی 270 مینی، یولوخان‌لارین سایی 3 میلیون 917 مینی، ساغالان‌لارین سایی ایسه بیر میلیون 334مینی کئچیب.
دونیا-دا اپیدمی دن اؤلنلرین سایی 270 مینی، یولوخان‌لارین سایی 3 میلیون 917 مینی، ساغالان‌لارین سایی ایسه بیر میلیون 334مینی کئچیب.
پاندمی‌نین مرکزینه چئوریلین امریکا-دا پرزیدنت دونالد ترامپ ایله یاخین تماسدا اولان کؤمکچی‌لریندن بیری‌نین "کووید-19" تستی مثبت چیخیب. پرزیدنت ترامپ و باشقانی یاردیمجیسی مایک پنس ده تست‌دن کئچیریلیب و اونلارین تست نتیجه‌سی منفی چیخیب.
بونونلا باغلی معلوماتی آغ ائو سؤزچوسونون معاوینی هوگان گیدلی وئریب. دیگر طرف‌دن، مودافعه ناظیرلیگی (پنتاگون) عسگره قبول پروسه سینده یئنی نوع کروناویروس خسته‌لیگینه توتولان شخص‌لرین بو حاقینی لغو ائتمک قرارینا گلیب. ناظیرلیگین موضوع ایله باغلی وئردیگی آچیقلامادا "کووید-19" خسته‌لیگی‌نین دایمی تأثیرلری هله معلوم اولمادیغی اوچون" معالیجه آلان اینسان‌لارین ایشه قبول پروسه سیندن تامامیله چیخاریلاجاغی قئید ائدیلیب.
آوروپا-دا اپیدمی‌نین مرکزینه چئوریلن اینگیلتره-ده "کووید-19" ویروسون‌دان اؤلنلرین سایی سون 24 ساعاتدا 649 آرتا‌راق 30 مین 76، یولوخما حال‌لاری‌نین سایی ایسه 6 مین 111 آرتا‌راق 201 مین 101-ا یوکسلیب.
ایتالیا-دا کروناویروس‌دان اؤلنلرین سایی سون 24 ساعاتدا 274 آرتا‌راق 29 مین 958-ا چیخیب.
فرانسا-دا "کووید-19" سببیله اؤلنلرین سایی سون 24 ساعاتدا 178 آرتا‌راق 25 مین 987-ا یوکسلیب. ویروسون آشکارلاندیغی آدام سایی 746 آرتا‌راق 209 مین 444-ا چاتیب. دیگر طرف‌دن، کولماز شهریندکی Albert-Schweitzer خسته‌خاناسیندان ائدیلن آچیقلامادا ایلک "کووید-19" یولوخما فاکتی‌نین نوامبرین 16-دا باش وئرمیش اولا بیله‌جگی ایره‌لی سورولوب.
دانیمارکا-دا اپیدمی سببیله 514 آدام اؤلوب، 10 مین 83 آدامدا ویروس آشکارلانیب. می آیی‌نین 11-ده اؤلکه‌ده نورمال حیاتا دؤنوشون ایکینجی مرحله‌سی ایستارت گؤتوره‌جک.
اوسترالیانین باش ناظیری اسکات موریسون کروناویروسون یاییلماسی‌نین قارشی‌سینی آلان قاداغا‌لار و محدودیت‌لرین اوچ مرحله‌لی بیر پلانلا یوملاشدیلاجاغینی آچیقلاییب. موریسون یول خریطه‌لرینده ژوئیه آیی‌نین سونونادک موسسه‌لرین یئنیدن آچیلاجاغینی، بؤیوک ایجلاس‌لارا و ایالت لر آراسیندا سیاحته ایجازه وئریلدیگینی آچیقلاییب.
"کووید-19" پاندمی سیندن اؤلنلرین سایی گونئی امریکا اؤلکه‌لری برزیلیا-دا 9 مین 146، اکوادور-دا 1665، پرو-دا ایسه مین 627 نفره چیخیب.
