فرانسا-دا داها 289 نفر کروناویروسون قربانی اولوب
بو باره‌ده اؤلکه‌نین باش سهیه ایداره‌سی‌نین رهبری ژروم سالومون آچیقلاماسیندا بیلدیریب.
فرانسا-دا کروناویروس اینفکسیونوندان اؤلن‌لرین سایی سون گون عرضینده 289 نفر آرتا‌راق، عمومی‌لیکده 24 مین 376 نفره چاتیب.
بو باره‌ده اؤلکه‌نین باش سهیه ایداره‌سی‌نین رهبری ژروم سالومون آچیقلاماسیندا بیلدیریب. چرشنبه گونو 24 مین 87 نفرین اؤلدوگو دئییلیردی.
“مارس آیی نین 1-دن بری ویروس‌دان اؤلن‌لر 24 مین 376 نفردیر”، - دئیه سالومون بریفینقده دئییب. او بیلدیریب کی، خسته‌خانا‌لاردا 15 مین 244 نفر، قوجا‌لار ائوینده ایسه 9132 نفر دونیاسینی دییشیب.
فرانسا-دا عمومی‌لیکده 129 مین 581 نفر کووید-19 اینفکسیونونا یولوخوب، سون گون عرضینده یولوخان‌لارین سایی ایسه 1139 نفردیر.
حاضیردا خسته‌خانا‌لاردا 26،2 مین‌دن چوخ ویروسا یولوخموش خسته وار. بونونلا یاناشی، خسته‌خانا‌لارا یئرلشدیریلن‌لرین سایی آزالماقدا‌دیر. سون 24 ساعاتدا خسته‌خانا‌لاردا داها 551 نفر خسته آزالیب، ای سی یو شعبه‌لرینده اولان‌لارین سایی دا 4019-ا دوشوب.
اپیدمی‌نین باشلانغیجیندان بری، ائو شرایطینده ساغالان‌لار استثنا اولماقلا، 49 مین‌دن چوخ خسته ساغالا‌راق ائوه بوراخیلیب.
