باتی اؤلکه لرینده کروناویروس ایله باغلی سون وضعیت

دونیا عذره یئنی نوع کروناویروس‌دان (کووید-19) هلاک اولان‌لارین سایی 87 مینی کئچیب.

1،5 میلیون اینسان ویروسا یولوخوب، 330 مینی‌دن چوخ خسته ایسه ساغالیب.

ویروس‌دان اؤلن‌لرین سایی‌نین آزالماسی‌نین بیر نئچه گون‌دور داوام ائتدیگی ایتالیا-دا حیاتینی ایتیرن‌لرین سایی سون 24 ساعاتدا 542 نفر آرتا‌راق 17 مین 669-ا چیخیب.

"کووید-19-ا یولوخان‌لارین سایی‌نین 95 مین 262-یه یوکسلدیگی اؤلکه‌ده مئدیادا یئر آلان خبرلره گؤره، 13 آوریل دن سونراکی دؤور اوچون حکومت کارخانا لارین و بعضی دوکان‌لارین تدریجن آچیلماسینی قیمتلندیریر.

فرانسا-دا یئنی نوع کروناویروس اپیدمیاسیندا اؤلن‌لرین سایی سون 24 ساعاتدا 541 آرتا‌راق 10 مین 869-ا چیخیب. ویروسون یولوخدوغو اینسان سایی‌نین 3 مین 881 آرتیملا 112 مین 950-ا یوکسلدیگی اؤلکه‌ده "کووید-19" سببیله ایش سیزلرین سایی 6،3 میلیونا یوکسلیب.

اینگیلتره-‌ده یئنی نوع کروناویروس اپیدمیاسی سببیله اؤلن‌لرین سایی سون 24 ساعاتدا 938 آرتا‌راق 7 مین 97-ا چیخیب. بیر گونده ان چوخ اؤلوم حادثه‌سی‌نین قئیده آلیندیغی اؤلکه‌ده ویروسا توتولان‌لارین سایی 5 مین 492 آرتا‌راق 60 مین 733 اولوب.

سوئد-ده "کووید-19" ویروسون‌دان اؤلن‌لرین سایی 687-یه، ویروس داشییان‌لارین سایی ایسه 8 مین 419-ا چیخیب.

اطریش-ده یئنی نوع کروناویروس‌دان اؤلن‌لرین سایی 51-ا، ویروسا توتولان‌لارین سایی 6 مین 52-ا یوکسلیب.

65  نفرین اؤلدوگو و ویروسا یولوخان‌لارین سایی‌نین 2 مین 666 اولدوغو صربیستان-دا پرزیدنت الکساندر ووچیچ ین  اوغلوندا یئنی نوع کروناویروس آشکارلانیب.

امریکا-دا تورک ایجماسی‌نین سیخ یاشادیغی پاترسون-دا بلدیه صدری نین "کووید-19" تستی‌نین مثبت اولدوغو اؤیرنیلیب.

کانادا-دا سون 3 گونده "کووید-19" سببیندن داها 169 نفر اؤلوب، بونا گؤره اؤلکه داخیلینده اؤلن‌لرین عمومی سایی 476، یولوخان‌لارین سایی ایسه 19 مین 291-ا یوکسلیب.