ترامپ: آمریکا ایران خالقینی دستکلهییر
"بیر چوخ انسانی اؤلدورورلر و کیمسه بیلمهسین دئیه ده اینترنتی باغلاییرلار"
آمریکا بیرلشمیش دؤولتلری پرزیدنتی دونالد ترامپ، ایرانداکی اعتراضچیلار دستکلدیگینی ایفاده ائتدی.
ناتو لیدئرلر ذیروهسی اوچون اینگیلترهنین باشکندی لندنده اولان ترامپ، سوسیال مئدیا تویتر حسابیندان ایرانداکی بنزین قیمتی آرتیشی اعتراضلارینا باغلی آچیقلاما وئردی.
ترامپ پایلاشیمیندا، آمریکا بیرلشمیش دؤولتلری، اؤزگورلوکلری اوچون اعتراض گؤستریلری تشکیل ائدن جسور ایران خالقینی دستکلهییر. ترامپ رهبرلیگی آلتیندا (اعتراضچیلارا) دستگیمیز وار و هر زامان دا اولاجاق" ایفادهلرینی ایشلتدی.
آمریکا بیرلشمیش دؤولتلری پرزیدنتی، سؤز قونوسو تویتر مئساژیندان اؤنجه، فرانسا پرزیدنتی امانوئل مکرون ایله ائتدیگی گؤروشمه سیراسیندا، ایران قونوسوندا،
"چوخ بؤیوک گؤستریلر اولور. بیر چوخ انسانی اؤلدورورلر و کیمسه بیلمهسین دئیه ده اینترنتی باغلاییرلار" دئمیشدی
آمریکا بیرلشمیش دؤولتلری تحریملرینین ده تاثیری ایله اقتصادی باخیمدان چتین گونلر گئچیرهن ایران خالقی، ۱۵ نوامبردا بنزین قیمتینه اوچ قات آرتیش ائدیلدیگینین آچیقلانماسینین آردیندان اعتراضلارا باشلامیشدی.
اولوسلارآراسی عفو هؤرگوتو، گؤستریلرده ان آز ۲۰۸ نفرین اؤلدویونو بیلدیرمیشدی.
ایران ایچ ایشلر باخانی یاردیمچیسی جمال عرف، جمعه ارتهسی گونو، اولوسلارآراسی عفو هؤرگوتونون گؤستریلردهکی اؤلو ساییسینا باغلی وئردیگی معلوماتین دوغرو اولمادیغینی ادعا ائتمیش و گؤستریلرده حیاتینی ایتیرهنلرین ساییسینین ساوجیلیق طرفیندن آچیقلاناجاغینی بیلدیرمیشدی.