مورالس ایستعفا ائتدی
بولیوی پرزیدنتی ائوو مورالس، اوردونون ایستگی اوزرینه، اؤلکه‌ده باریشین تامین ائدیلمه‌سی اوچون پرزیدنت وظیفه‌سینی بوراخدیغینی بیلدیریب
بولیوی پرزیدنتی ائوو مورالس، اوردونون ایستگی اوزرینه، اؤلکه‌ده باریشین تامین ائدیلمه‌سی اوچون پرزیدنت وظیفه‌سینی بوراخدیغینی بیلدیریب.
20 اوکتوبردا تشکیل ائدیلن و موخالیف‌لرین حیله ادعاسییلا گون‌لردیر، اعتراض و شیدت حرکت‌لرینه سبب اولان عمومی سئچیم‌لری یوزده 47.8 ایله ایلک توردا قازانان مورالس، امنیت گوج‌لری‌نین ده باسقینی ایله ایستعفا ائتدی.
ائوو مورالس، اؤلکه‌دکی شیدت حرکت‌لرینی تشکیلاتلان‌دیران موخالیف لیدرلر کارلوس مسا و لوئیس فرناندو کاماچونون، خالقا داها چوخ ضرر وئرممه‌سی اوچون بو قراری آلدیغینی آچیقلادی.
اؤلکه‌ده یاشانان‌لاری وطنداش و پولیس کودتاسی اولا‌راق خاراکتریزه ائدن مورالس، بو وطنداش کودتاسی و بعضی پولیس‌لرین بولیوی خالقینا ایستیقامت‌لی شیدت و قورخوتماغی ایستیفاده ائده‌رک دموکراتی و اجتماعی باریشا نظرده توتموش اولماسینی دا قیناییرام. دئیه دانیشدی.
باریش و برابرلیک اوچون موباریزه ائتمه‌یه داوام ائدجگیک. بو ساواش بیتمه‌دی.ایفاده‌سینی ایستیفاده ائدن مورالس،
سیاسی موباریزه‌سینی داوام ائتدیرجگینی وورغولادی.
عمومی قرارگاه باشقانی ویلیامس کالیما، اوخودوغو معلوماتدا دولت باشقانی ائوو مورالسین ایستعفاسینی ایستمیشدی.
مورالس، آیریجا، ائوینه سالدیریلدیغینی و حاقیندا توتما قراری چیخاریلدیغینی آچیقلادی. سوسیال مئدیا حسابین‌دان آچیقلامادا اولان مورالس، بوتون دونیا و بولیوی خالقی حضوروندا، بیر پولیس مامورونون، حاقیمدا غیری-قانونی بیر شکیلده توتما قراری چیخاردیغینی بیل‌دیریرم.
آیریجا شیدت حرکت‌لری تشکیل قروپ‌لار، ائویمه سالدیری تشکیل ائتدی.
کودتاچی‌لرین، حقوقون اوستون‌لوگونو یئرله بیر ائدیر.ایفاده‌سینی ایستیفاده ائتدی. بیرلشمیش میللتلر تشکیلاتی‌نین (بمت) باش کاتیبی آنتونیو گوترز، بولیوی‌ده دولت باشقانی مورالسین ایستعفاسی باشدا اولماق اوچون یاشانان گلیش‌لردن درین ناراحاتلیق دویدوغونو ایفاده ائده‌رک، بوتون طرف‌لره شدت‌دن قاچینما، ماکسیموم اعتیدال، شفاف و اعتبارلی سئچیم‌لر تشکیل ائدیلمه‌سی چاغیریش اوتدی. بمت باش کاتیبی‌نین سوزجوسون‌دن ائدیلن آچیقلامایا گؤره، گوترز، بولیوی‌ده یاشانان گلیش‌لارین ناراحاتلیق وئریجی اولدوغونو ایفاده ائتدی.
مورالسین ایستعفاسینا اعتراض گؤسترن آرژانتین، ونزوئلا، کوبا و مکزیک‌دن ایسه، گئدیشاتی کودتا اولا‌راق خاراکتریزه ائدن آچیقلاما‌لار گلدی. بو آرادا مکزیک خاریجی ایشلر ناظیری مارسلو ابرارد، اؤلکه‌سی‌نین مورالس‌ه ایلتیجا حاقی وئرجگینی آچیقلادی. مورالس ایسه موخالیفتین، اطرافین‌داکی‌لارا و خالقا ضرر وئرممه‌سی اوچون ایستعفا ائتدیگینی وورغولایا‌راق، بولیوی خالقی‌نین بیلمه‌سینی ایستییرم کی قاچماق اوچون بیر سببیم یوخ‌دور. اگر بیر شئی چالدییساق، ایثباتلاسین‌لار. اگر چالیشمادیغیمیزی سؤیلورسه‌لر، ایقتیصادی گلیش سایه‌سینده ائتدیگیمیز مین‌لرله اثره باخسین‌لار. وطنینی سئون آلچاق گؤنوللولر و کاسیب‌لار بو موباریزه‌یه داوام ائده‌جک.فیکیرینی دیله گتیردی.
