ونزوئلادا موخالیفلرین بیر قیسمی مادورو ایله آنلاشدی
خوان گوایدو اؤنجولوغوندکی موخالیفلرین حکومتله اولان دانیشیقلاردان چکیلدیکلرینی آچیقلامالارینا قارشی میللی مجلیسدکی بعضی موخالیف پارتیلر و حکومت یئنی بیر آنلاشمایا ایمضا آتدیلار
ونزوئلادا باتی دستکلی میللی مجلیس (AN) باشکانی خوان گوایدو اؤنجولوغوندکی موخالیفلرین حکومتله اولان دانیشیقلاردان چکیلدیکلرینی آچیقلامالارینا قارشی میللی مجلیسدکی بعضی موخالیف پارتیلر و حکومت یئنی بیر آنلاشمایا ایمضا آتدیلار.
اکثریتی موخالیفلرین الیندکی میللی مجلیسده تمثیل اولونان ونزوئلا اوچون نیظاملار، دییشک و ترققی پارتیلری ایله دولت باشقانی نیکولاس مادورو حکومتی آراسیندا سازیش باشکند کاراکاسداکی خاریجی ایشلر ناظیرلیگی سارایی کاسا آماریللادا ایمضالانیب.
طرفلر آراسیندا آیریجا داواملی موذاکیرهلر اوچون میللی دیالوق ماساسی یارادیلماسی بارهده راضیلیق الده اولونوب.
اؤزونو موقتی پرزیدنت اعلان ائدن آمریکا دستکلی گوایدونون ناراضیلیقلا قارشیلادیغی آنلاشمادا، میللی سئچیم شوراسینا (CNE) یئنی عضولرین تعیین اولونماسی، ونزوئلانین ادعا ائتدیگی اسقویبو بؤلگهسیندکی حاقلارینین قورونماسی و بعضی داوالاردا محبوس اتهام اولونانلارین سربست بوراخیلماسی، نفت محصوللارینین ارزاق قارشیلیغی ساتیشی کیمی مقاملار یئر آلدی.
ونزوئلایا تطبیق اولونان اولوسلار آراسی تحریملرین قالدیریلماسینین طلب اولوندوغو راضیلاشماقلا آیریجا حاکمیتدکی ونزوئلا بیرلشمیش سوسیالیست پارتیسینین (PSUV) میللی مجلیسه گئری دؤنمهسینه ده قرار وئریلیب.
آنلاشمانی چاتدیران ونزوئلا ایرتیباط، توریزم و مدنیتدن دولت باشقانی معاوینی خوزه رودریگز،
ونزوئلانین بوتون سیاسی، سوسیال و ایقتیصادی آکتورلاری و بوتون دونیانین، حکومت اولاراق موقعیتیمیزین قاپیلارین آچیق توتولماسیندان طرفدار اولدوغونو بیلمهسینی ایستییریک". دئدی.
بو آنلاشمانین ونزوئلاداکی باریشین گوجلندیریلمهسی اوچون بؤیوک بیر آددیم اولدوغونو وورغولایان رودریگوز، بوتون موخالیف پارتیلاره میللی دیالوق ماساسینا قوشولماق چاغیریشی ائتدی.