ترامپ: ایران بیزیمله گؤروشمک ایسته‌ییر
"سیزه ایرانین بیزیمله گؤروشمک ایسته‌دیگینی دئیه‌بیلرم"
آمریکا بیرلشمیش دؤولتلری پرزیدنتی دونالد ترامپ، ایرانین اؤزلری ایله گؤروشمک ایسته‌دیگینی سؤیله‌دی.
ترامپ، مریلند ایالتینه باغلی بالتیمور شهرینه حرکت ائتمه‌دن اؤنجه آغ ائوین باغچاسیندا ژورنالیستلرین سواللارینی جاوابلاندیردی.
سون گونلر تئز تئز ایران پرزیدنتی حسن روحانی ایله گؤروشه‌بیله‌جگینی دیله گتیردیگینین خاطیرلادیلماسی اوزرینه ترامپ، "سیزه ایرانین بیزیمله گؤروشمک ایسته‌دیگینی دئیه‌بیلرم" ایفاده‌سینی ایشلتدی.
ترامپ، باشقا بیر سوال اوزرینه ده جان بولتون‌دان بوشالان آغ ائو میللی گوونلیک مشاویرلیگی یئرینه خاریجی ایشلر باخانی مایک پومپئونو دوشونمه‌دیکلرینی سؤیله‌دی.
بولتونون یئری اوچون دونن ۵ نامیزدیدگرلندیردیکلرینی قید ائد‌ن ترامپ، بو گونکو آچیقلاماسین‌دا بو رقسایینین ۱۵ اولدوغونو قید ائتدی.
اولوسال گوونلیک مشاویرلیگی وظیفه‌سی‌نین راحات بیر ایش اولدوغونو ساوونان ترامپ،
"بو ایشین نه اوچون راحات اولدوغونو بیلیرسینیز می؟ چونکو بوتون قرارلاری من آلیرام و سیزین چالیشمانیزا احتیاج قالمیر" دئدی.
ترامپ، ایسراییلین سون ایکی ایلدیر، آغ ائو و واشینگتون‌داکی حساس قوروملارین اطرافینا یئرلشدیردیگی استخبارات جیهازلاری ایله اؤزونو و تیمینی دینله‌دیگی ادعاسینی ایسه،
"بونون دوغرو اولدوغونا اینانمیرام، اما هر شئی ممکن" ایفاده‌لری ایله جاواب وئردی.
دیگر طرف‌دن، ترامپ، قوزئی کره ایله یئنیدن گؤروشمه‌یه آچیق اولدوغونون اشاره‌سینی ده وئردی.
