ترامپ، طالبانلا داوام ائدن باریش دانیشیق‌لارینی دوردوردو
ترامپ، توئیتر آچیقلاماسیندا، افغانیستان پرزیدنتی اشرف غنی و بعضی طالبان لیدرلری ایله کمپ دیویدده بو گون کئچیریلمه‌سی پلان‌لاش‌دیریلان گؤروشمه‌لری ده لغو ائتدیگینی بیلدیریب
آمریکانین پرزیدنتی دونالد ترامپ، بیر آمریکان عسگری‌نین ده اؤلدوگو افغانیستانین باشکندی کابیل‌دکی سالدیری سببیله طالبانلا داوام ائدن باریش دانیشیق‌لارینی دوردوردوغونو آچیقلادی.
ترامپ، توئیتر حسابین‌دان ائتدیگی آچیقلامادا، افغانیستان پرزیدنتی اشرف غنی و بعضی طالبان لیدرلری ایله کمپ دیویدده بو گون کئچیریلمه‌سی پلان‌لاش‌دیریلان گؤروشمه‌لری ده لغو ائتدیگینی بیلدیریب.
ترامپ، اؤز مؤوقعیتینی گوجلن‌دیرمک اوچون بو جور سالدیری‌لارین ایشه یارامایا‌جاق و طالبانین بو سالدیریلا اوستون‌لوگونو ایتیردیگینی قئید ائده‌رک،
بو چوخ اؤنملی باریش دانیشیق‌لاری عرضینده اگر بیر رژیمده آنلاشما اولماییب 12 گوناه‌سیز اینسانی دا اؤلدورورلرسه، دئمک کی معنا‌لی بیر آنلاشما اوچون موذاکیره گوجونه یقین کی، صاحب دئییل‌لر. داها نئچه اون ایللرله دؤیوشمه‌یه ایستک‌لی‌لر"؟ قیمتلندیرمه‌سینی کئچیریب.
افغانیستان پرزیدنتی غنی آمریکا ایله طالبان آراسیندا آپاریلان دانیشیق‌لار پروسه‌سینی گؤروشمک اوچون آمریکایا ائدجگی سفری تاخیره سالدیغی، دونن آمریکا مطبوعاتینا عکس اولونموشدو.
کئچن هفته 9ونجو باریش گؤروشونو بیتیرن آمریکانین افغانیستان اؤزل نماینده‌سی زلمای خلیلزاد، آنلاشما متنینی پرزیدنتی اشرف غنی ایله پایلاشمیشدی.
خلیلزاد، کابیلده اؤزل بیر تلویزیون کانالینا وئردیگی موصاحیبه‌ده، طالبان ایله آیلارلا داوام ائدن دانیشیق‌لارین آردین‌دان بیر لاییحه راضیلیغا گلدیگینی، آمریکانین اؤلکه‌دکی 5 پایگاهینی 135 گون عرضینده باغلایا‌راق 5 مین عسگرینی چکه‌جگینی آچیقلامیشدی.
افغانیستانین باشکندی کابیلده کئچن هفته دیپلوماتیک میسیون‌لارین یئرلشدیگی سمتین یاخینلیغیندا بومبا یوک‌لو مینی بوسلا تشکیل اولونان سالدیریدا، ناتو پایگاهیندا وظیفه‌لی 2 عسگر ده اولماق ان آز 10 نفرین اؤلدوگو بیلدیریلمیشدی.
