ترامپ ایله جانسون، آمریکا-اینکیلیستان موناسیبت‌لرینی گؤروشوب
ترامپ ایله اینگیلتره‌نین یئنی باش ناظیری بوریس جانسون ایکی اؤلکه آراسیندا ایقتیصادی علاقه‌لرین درینلشدیریلمه‌سی مسئله‌سینی موذاکیره ائدیب
آمریکا‌نین پرزیدنتی دونالد ترامپ ایله اینگیلتره‌نین یئنی باش ناظیری بوریس جانسون ایکی اؤلکه آراسیندا ایقتیصادی علاقه‌لرین درینلشدیریلمه‌سی مسئله‌سینی موذاکیره ائدیب.
آغ ائو مطبوعات خیدمتی، ترامپ ایله جانسونون جمعه گونو تلفون دانیشیغی آپاردیغینی آچیقلاییب.
بیاناتدا،
باشقان ترامپ ایله باش ناظیر جانسون، گؤروشمه‌ده آمریکا ایله بیرلشمیش کرال‌لیق آراسین‌داکی خصوصی موناسیبت‌لرین گوجلندیریلمه‌سی‌نین اؤنمینی قئید ائتدی. بونون یانیندا ایکی‌لی، بیرلشمیش کراللیغین آوروپا اتفاقین‌دان آیریلماسی ایله ایکیطرف‌لی ایقتیصادی علاقه‌لرین سرعت‌لی درینلشدیریلمه‌سی مسئله‌سینده راضی قالدی‌لار". ایفاده‌لرینه یئر وئریلیب.
اینگیلتره‌ده موحافیظه‌کار پارتی لیدرلیگینه سئچیلن بوریس جانسون، ژوئیه‌نین 24-ده اؤلکه‌نین یئنی باش ناظیری اولموشدو.
ترامپ، جمعه گونو آغ ائوده مطبوعات نماینده‌لرینه وئردیگی آچیقلامادا، جانسونون "یاخشی بیر آدام اولدوغونو" و اونونلا ایندی‌دن بیر تیجارت آنلاشماسی مسئله‌سینده ایشه باشلادیق‌لارینی دئمیشدی.
