الکل ایچن عسگرلر اولکه‌لرینه گؤندریلدی
"تیمین بوندان سونراکی وظیفه‌لرینی اوغورلا باشا ووراجاغینا دایر اینام ایتمیش‌دیر"
عراقدا خیدمت ائد‌ن آمریکا دونانماسینا باغلی بعضی اؤزل گوج عسگرلرینین، وظیفه باشین‌دا الکل ایچدیکلری سببیله اولکه‌لرینه گؤندریلدیگی آچیقلاندی.
آمریکا اؤزل گوجلر قوموتانلیغین‌دان (سوکوم) وئریله‌ن یازی‌لی آچیقلامادا، اؤزل گوجلر قوموتانی ژنرال اریک هیلین، عراقدا اؤزونه باغلی بیر تیمه، کالیفورنیا ایالتینین سن دیگو شهرین‌ده‌کی مرکزه قاییتمالاری گؤستریشی وئردیگی قید اولوندو.
تیم، عملیات دیشی دؤنملرده "چوخ میقداردا" الکل ایچرک تیم ایچین‌ده‌کی نظام و انتظامی پوزمالاری سببی ایله بئله بیر قرار آلیندیغی قید ائدیله‌ن آچیقلامادا بو ایفاده‌لر ایشلدیلدی:
"تیمین بوندان سونراکی وظیفه‌لرینی اوغورلا باشا ووراجاغینا دایر اینام ایتمیش‌دیر. بوتون ساوونما باخانلیغینین پرسنلی معین اولونان استاندارتلاری تعمین ائتمک و قوراللارا رعایت ائتمکله مسئول‌دور. کوموتانلار، حاضردا بیرلیگین گئری گؤندریلمه‌سین‌دن سونرا اورتایا چیخابیله‌جک عملیاتی بوشلوقلاری دولدورماق اوچون چالیشیر".
روتبه‌لری و نئچه نفر اولدوقلاری آچیقلانمایان عسگرلره جزایی ایشلم اولوب اولمادیغینا دایر بیلگی وئریلمه‌دی.
