قوزئی کوره‌دن آمریکایا مانور اویاریسی
قوزئی کوره، آمریکا و گونئی کوره‌نین گلن آی کئچیرمگی پلانلاشدیردیغی بیرگه نیظامی مانورون، واشینگتون رهبرلیگی ایله یئنیدن باشلاماسی مسئله‌سینده آنلاشمایا واریلان دانیشیق‌لاری منفی تأثیر ائدجگی خبردارلیغی ائتدی
قوزئی کوره، آمریکا و گونئی کوره‌نین گلن آی کئچیرمگی پلانلاشدیردیغی بیرگه نیظامی مانورون، واشینگتون رهبرلیگی ایله یئنیدن باشلاماسی مسئله‌سینده آنلاشمایا واریلان دانیشیق‌لاری منفی تأثیر ائدجگی خبردارلیغی ائتدی.
یونهاپ آژانسی‌نین قوزئی کوره رسمی خبر آژانسی KCNA-یا اساسلاندیردیغی خبره گؤره، قوزئی کوره خاریجی ایشلر ناظیرلیگی سؤزچوسو، آمریکا ایله گونئی کوره‌نین گلن آی کئچیرمگی پلانلاشدیردیغی "19-2 دونگ مانگ" مانورینا ایستیناد ائده‌رک، بونون رئاللاشماسی حالیندا پیونگ یانگ‌ین، واشینگتون ایله ایش سویهسیندکی دانیشیق‌لارا یئنیدن باشلاماق مسئله‌سینده الده ائدیلن آنلاشمانی نظردن کئچیرجگینی بیلدیریب.
سؤزچو، "نیظامی مانور حقیقتن کئچیریلسه، قوزئی کوره-آمریکا آراسیندا چالیشما سویهسیندکی گؤروشمه‌لره تأثیر گؤستره‌جک‌دیر. آمریکانین بون‌دان سونراکی داورانیشینی ایزله‌یه‌رک، قوزئی کوره-آمریکا چالیشما سویهسیندکی دانیشیق‌لارین آچیلماسی قراریمیزی فورمولا ائدجگیک". ایفاده‌لرینی ایستیفاده ائتدی.
قوزئی کوره خاریجی ایشلر ناظیرلیگین‌دن ائدیلن آچیقلامادا دا آمریکا ایله گونئی کوره آراسیندا داوام ائدن و کوره یاریماداسی‌نین ایشغال پلانی اولا‌راق گؤرولن مانور و سیناق‌لارین، آمریکا ایله الده ائدیلن آنلاشما سونراسی دایان‌دیریلان نوکلئر پروقرام‌لاری‌نین یئنیدن باشلانیلماسینی دوشونمه‌یه سؤوق ائتدیگی وورغولانمیشدی.
آمریکا- قوزئی کوره دانیشیق‌لاری آمریکا پرزیدنتی دونالد ترامپ ایله قوزئی کوره لیدری کیم جونگ ایلک دفعه 12 ژوئن 2018ده سینگاپوردا کئچیریلن تاریخی ایجلاسدا بیر آرایا گلمیش، بورادا کوره یاریماداسی‌نین نوکلئر سیلاح‌لاردان تمیزلنیلمه‌سی و اوزون موددت‌لی باریش موضوعسوندا راضیلیغا گلمیشدی.
ایکی لیدر 26-27 فوریه 2019دا ویتنامین باشکندی هانوی‌ده بیر داها گؤروشموش آنجاق ایحلاس گؤزله‌ین‌دن سرعت‌لی شکیلده و آنلاشما‌سیز باشا چاتمیشدی.
ترامپ ایله کیم، سون اولا‌راق 30 ژوئن‌ده قوزئی و گونئی کوره آراسیندا اولان "سیلاحسیز ائدیلمیش بؤلگه‌ده" گؤروشموش، نوکلئر دانیشیق پروسه‌سینی داوام ائتدیرمک قراری آلمیشدی.
