چین، آمریکا ایله تیجارت موذاکیرلرینین یئنیدن باشلایاجاغینی آچیقلاییب
ژاپونیاداکی جی-20 ایجلاسیندا شی و ترامپ گؤروشمهسیندن تیجارت دانیشیقلارینا داوام قراری چیخدی
![چین، آمریکا ایله تیجارت موذاکیرلرینین یئنیدن باشلایاجاغینی آچیقلاییب](http://cdn.trt.net.tr/images/xlarge/rectangle/4170/228c/61d2/5d270e1d09d62.jpg?time=1718876867)
چین تیجارت باخانلیغی،آمریکا ایله تیجارت موذاکیرلرینین یئنیدن باشلایاجاغینی آچیقلاییب.
ناظیرلیک سؤزچوسو گائو فینگ، باشکند پکنده کئچیردیگی مطبوعات کونفرانسیندا،
"چین و آمریکادان قارشیلیقلی نماینده هئیتلری، ایکی اؤلکه لیدرلرینین ژوئن آیینین سونوندا ژاپونیانین ائو صاحیبلیگینده اوساکادا کئچیریلن جی-20 لیدرلر ایجلاسیندکی فیکیر اتفاقلارینا گؤره برابرلیک و قارشیلیقلی حؤرمت اساسیندا تیجارت دانیشیقلارینی یئنیدن باشلایاجاق". ایفادهلرینی ایستیفاده ائتدی.
چین طرفینین اساس ماراق و ناراحاتلیقلارینین اویغون شکیلده اله آلینماسی لازیم اولدوغونو بیلدیرن گائو، ایکی طرفین برابر دیالوق یولو ایله بیر-بیرینین آغلاباتان ناراحاتلیقلارینی نظره آلماسی وضعیتینده پروبلملره ایکی اؤلکه و خالقلارینین منفعتینه اویغون شکیلده حلّ ائدهجکلرینه ایناندیغینی دئییب.
گاو، ایکی طرفدن نماینده هئیتلری یاخین اونسیتی داوام ائتدیردیگینی قئید ائدرکن، دانیشیقلارین نه زامان و هانسی اؤلکهنین باشکندده آپاریلاجاغینا دایر معلومات وئرمهدی.
چین باش ناظیر کؤمکچیسی لیو هی، آمریکا خزینه ناظیری استیون منوشین و آمریکا تیجارت نمایندهسی رابرت لیگتیزر ایله چرشنبه گونو گئج ساعاتلاردا تلفون دانیشیغی آپارمیش، ایکی طرف، شی و ترامپین ژاپونیاداکی جی-20 ایجلاسیندا راضی قالدیقلاری مسئلهلرین حیاتا کئچیریلمهسی بارهده فیکیر موبادیلهسی آپارمیشدی.
چین مرکزی مالی و ایقتیصاد لیدرلیک قروپو اوفیسینین دیرکتورو و باش ناظیر کؤمکچیسی لیو هی، پکن حکومتینین "باش موذاکرهچی-سی" اولاراق چین-آمریکا تیجارت دانیشیقلارینی آپاریر.
ژاپونیاداکی جی-20 ایجلاسیندا شی و ترامپ گؤروشمهسیندن تیجارت دانیشیقلارینا داوام قراری چیخدی.