ترامپ ایله قطر امیری، امکداشلیق مساژلاری وئردی
آمریکا دانیشیقلارینا بازار ارتهسی گونو باشلایان قطر امیری شیخ تمیم، آمریکا خزینه ناظیری استیون منوشینین ائو صاحبلیگی ائتدیگی شام یئمگینده ترامپ ایله بیر آرایا گلدی
![ترامپ ایله قطر امیری، امکداشلیق مساژلاری وئردی](http://cdn.trt.net.tr/images/xlarge/rectangle/6cc4/4f9e/7dcd/5d24317698792.jpg?time=1719122562)
آمریکانین پرزیدنتی دونالد ترامپ ایله قطر امیری شیخ تمیم بن حمد آل ثانی، امکداشلیق مساژلاری وئردی.
آمریکا دانیشیقلارینا بازار ارتهسی گونو باشلایان قطر امیری شیخ تمیم، آمریکا خزینه ناظیری استیون منوشینین ائو صاحبلیگی ائتدیگی شام یئمگینده ترامپ ایله بیر آرایا گلدی.
ترامپ، ضیافتده چیخیشیندا، قطرین آمریکاداکی یاتیریملاریندان تعریفله بحث ائدهرک، یئنی یاتیریملارین دا یولدا اولدوغونو و بوندان بؤیوک ممنونلوق دویدوقلارینی ایفاده ائدیب.
امیر ایله بیاض سارایدا دا بیر آرایا گلهجکلرینی قئید ائدن ترامپ،
" ایکی اؤلکه آراسیندا هر شئیین چوخ مثبت اولاجاغینی بیلیرم. سیز چوخ دگرلی بیر موتتفیقسینیز و بیزه بؤیوک بیر نیظامی پایگاه و نیظامی هاوا لیمانی مسئلهسینده چوخ یاردیمچی اولدونوز". قیمتلندیرمهسینی کئچیریب.
قطر امیری شیخ تمیم ده ایکی اؤلکه آراسیندا امکداشلیق ساحهلرینین چوخلوغونا ایشاره ائتدی.
شیخ تمیم، "بو سفریم عمومی اولاراق پایلاشدیغیمیز بو ایدهآللاری بیر داها وورغولاییر. بو گون بورادا گوجلو ایقتیصادی طرفداشلیغیمیزی تبریک ائدیریک". ایفادهلرینی ایستیفاده ائتدی.
شیخ تمیم، "تأسف کی، بؤلگهمیزده بیزیم بو دوشونجهلریمیزی بؤلوشمهینلر وار. بو گونون دونیاسیندا موتتفیقلیک موناسیبتلری معین طرفداشلیق ائدیلیر و بعضی معین موتتفیقلر حقیقتن دوست دئییللر. لاکین آمریکا ایله قطر طرفداش، موتتفیق و دوستدور". سؤزلری دقتی چکدی.
ایکی لیدر آراسیندا بو گون آغ ائوده کئچیریلهجک ایکیطرفلی و هئیتلر آراسی گؤروشمهلرده ایسه خصوصیله ایکیطرفلی تیجارت و نیظامی علاقهلر ایله بؤلگهسل امنیت مسئلهلرینین اؤنه چیخماسی گؤزلنیلیر.