اولوسلار آراسی تهلوکهسیزلیک بیرلیگینین مانوری باشا چاتدی
آرالاریندا فرانسا و ایتالیانین دا اولدوغو 9 اؤلکهنین عضو اولدوغو اولوسلار آراسی تهلوکهسیزلیک بیرلیگینین (ISA) بیرلشمیش عرب امیرلیکلرینده کئچیریلن ایلک تهلوکهسیزلیک مانوری دونن باشا چاتدی.
![اولوسلار آراسی تهلوکهسیزلیک بیرلیگینین مانوری باشا چاتدی](http://cdn.trt.net.tr/images/xlarge/rectangle/69bf/72a1/4d79/5d1c4d8da056f.jpg?time=1719269436)
آرالاریندا فرانسا و ایتالیانین دا اولدوغو 9 اؤلکهنین عضو اولدوغو اولوسلار آراسی تهلوکهسیزلیک بیرلیگینین (ISA) بیرلشمیش عرب امیرلیکلرینده کئچیریلن ایلک تهلوکهسیزلیک مانوری دونن باشا چاتدی.
بیرلشمیش عرب امیرلیکلرینین رسمی خبر آژانسی "WAM"-ین معلوماتینا اساساً، اؤلکهنین ایچ ایشلر ناظیری سیف بن زاید آل نهیان ISA-یا عضو اؤلکهلرینین حقوق-محافظه اورقانلاریندان 50 نمایندهنین ایشتیراک ائتدیگی مانورون دونن سونا چاتدیغینی آچیقلادی.
قاتیلیمجیلار آراسیندا سرعتلی موداخیله، مئدیا، اونسیت، سیویل مودافعه و پارتلاییجی مهماتین محو ائدیلمهسی ساحهسینده نمایندهلرین اولدوغو و کئچیریلن مانورون اولوسلار آراسی تهلوکهسیزلیک بیرلیگینه عضو اؤلکهلرین 2017-جی ایلدن بریدیر بیرگه اینکیشاف ائتدیردیکلری واسطهلر، ایستراتژی لری و پروسه دورلارین قیمتلندیریلمهسینین مقصد گؤتورولدوگو بیلدیریلدی.
امکداشلیق و تجروبهنین بؤلوشولمهسی واسطهسیله اولوسلار آراسی اورگانیزه جینایتلر و ایفراتچیلیقلا موباریزه ائتمگی هدف گؤتورن ISA 2017-جی ایلده بیرلشمیش عرب امیرلیکلرینین پایتاختی ابو ظبی-ده قورولدو.
بیرلیک بیرلشمیش عرب امیرلیکلری، فرانسا، ایتالیا، بحرین، مراکش، ایسپانیا، سنگال، سینگاپور و سلوواکیادان عبارتدیر.