آمریکا-چین تیجارت دانیشیق‌لاری یئنیدن باشلایا‌جاق
آمریکا دولت باشقانی دونالد ترامپ و چین دولت باشقانی شی جینپینگ، ایکی اؤلکه آراسیندا تیجارت دانیشیق‌لارینی یئنیدن باشلاما موضوعسوندا راضی‌لاشدی
آمریکا-چین تیجارت دانیشیق‌لاری یئنیدن باشلایا‌جاق
آمریکا دولت باشقانی دونالد ترامپ و چین دولت باشقانی شی جینپینگ، ایکی اؤلکه آراسیندا تیجارت دانیشیق‌لارینی یئنیدن باشلاما موضوعسوندا راضی‌لاشدی.
چین خبر آژانسی شینهوادا یئر آلان خبرده، ژاپونیانین اوساکا شهرینده تشکیل اولونان جی-20 ایجلاسیندا ترامپ و شی‌نین بیر آرایا گلدیگی و ایکی لیدرین 1 ساعت‌دان چوخ داوام ائدن گؤروشمه کئچیردیگی قئید ائدیلیب.
ترامپ و شی‌نین، آمریکا و چینی بیرگه اینکیشاف ائتدیرمک مسئله‌سینده همفیکیر اولدوغونا ایشاره ائدیلن خبرده، آیریجا ایکی لیدرین آمریکا و چین آراسیندا ایقتیصادی و تیجاری مصلحتلشمه‌لرین برابرلیک و قارشی‌لیق‌لی حؤرمت اساسیندا یئنیدن آچیلماسی مسئله‌سینده راضیلاشدیغی وورغولانیب.
آمریکانین چین‌ه قارشی یئنی علاوه وئر‌گیلر قویولمایاجاغی ورغولانان خبرده، ایکی اؤلکه‌نین ایقتیصاد و تیجارت موذاکیره قروپ‌لاری‌نین معین موضوعلار اوزرینده چالیشاجاغی ایفاده ائدیلیب.
