ترامپ: یاخیندا گؤرجکسینیز
"آمریکانین ایرانا قارشی بیر سالدیری پلانی وارمی؟"
آمریکا بیرلشمیش ایالتلری پرزیدنتی دونالد ترامپ، اؤلکه‌سینه عاید انسان‌سیز هاوا آراجی (ایها)دۆشورن ایرانا گؤزداغی وئردی.
ترامپ، سوسیال پایلاشیم سایتی تویتر اوزرین‌دن تک جمله‌لیک پایلاشیمیندا، "ایران چوخ بؤیوک خطا ائتدی" ایفاده‌سینی ایشلتدی.
اؤته یاندان، ترامپ، کانادا باشباخانی جاستین ترودو ایله آغ ائودکی گؤروشو زامانی مطبوعات نماینده‌لرینه آمریکا بیرلشمیش ایالتلری-ایران گرگینلیینه دایر آچیقلامالار وئردی.
ترامپ، ایرانین آمریکا بیرلشمیش ایالتلرینه عاید بیر اینسان‌سیز هاوا آراجینی دۆشورمه‌سی قونوسوندا،
"چوخ بؤیوک بیر یانلیش ائتدیلر. ایها اولوسلارآراسی سولاردا ایدی، بیلیمسل اولاراق بونون دلیللرینه صاحبیک. بو آداملار بؤیوک خطا ائتمیشدیر، بونو ائدنلر باشی‌بوش و آخماق بیرلری اولمالی" دئدی.
ترامپ،
"آمریکانین ایرانا قارشی بیر سالدیری پلانی وارمی؟" شکلین‌ده‌کی سوالا ایسه "یاخیندا گؤرجکسینیز" دئیه جاواب وئردی.
ایران اینقیلاب کئشیک‌چیلری اوردوسو، دونن سحر ساعاتلارین‌دا عمان کؤرفزینه ساحلی اولان هرمزگان ایالتینه باغلی کوه‌مبارک شهری ساحلین‌ده "ایران هاوا ساحه‌سینی پوزان" آمریکا بیرلشمیش ایالتلری حربی هاوا گوجلرینه عابد آرکیو-۴ گلوبال هاوک تیپی ایهانین قورودان هاوایا موشکله وورولاراق دۆشورولدوگونو بیلدیرمیشدی.
آمریکا بیرلشمیش ایالتلری مرکز گوجلر کوموتانلیغی ایسه حادثه‌نی دوغرولامیش، آنجاق سؤزوگئدن ایهانین اولوسلارآراسی سولاردا اوچارکن وورولدوغونو ساوونموشدو.
