ترامپ فرانسا پرزیدنتی امانوئل ماکرون ایله گوروشدو
فرانسا پرزیدنتی امانوئل ماکرون و امریکا پرزیدنتی دونالد ترامپ بیر آرایا گلدی.
فرانسا پرزیدنتی امانوئل ماکرون و امریکا پرزیدنتی دونالد ترامپ بیر آرایا گلدی.
ایکینجی دونیا محاربهسینین گئدیشینده اساسلی دؤنوش یارادان و آوروپانین فاشیست ایشغالیندان قورتاریلماسیندا اهمیت داشییان نورماندیا حادثهسینین 75-جی ایلدؤنومو موناسیبتیله کئچیریلن مراسیمده ایشتیراک ائتمک اوچون فرانسادا اولان امریکا پرزیدنتی دونالد ترامپ ایله ماکرون Caen والیلیگینده گؤروشدولر.
گؤروشدن اول اورتاق مطبوعات کنفرانسیندا ترامپی فرانسادا قارشیلاماقدان ممنونلوق دویدوغونو سؤیلهین امانوئل ماکرون فرانسانین امریکا ایله افریقا و اورتا دوغو ایله باغلی اولوسلار آراسی موضوع لاردا امکداشلیغینین اهمیتینه توخوناراق دئدی:
"فرانسا ایله امریکا آراسیندا گوجلو علاقهلر وار. ترامپ ایله ایران، اورتا دوغو و دیگر اولوسلار آراسی موضوع لاردا اورتاق فیکره مالیک اولماغیمیز بؤیوک اهمیت داشیییر."
امریکا پرزیدنتی دونالد ترامپ دا اؤز نؤوبهسینده چیخیش ائدهرک فرانسادا مراسیمده ایشتیراک ائتدیگی اوچون ممنونیتینی دیله گتیردی، فرانسا ایله امریکا آراسیندا فوق العاده بیر باغ و اورتاقلیغین اولدوغونو وورغولایاراق بونلاری سؤیلهدی:
"ایرانین نوکلئر سلاحینا مالیک اولماسینی ایستمیریک، چونکی ترورچو اؤلکهدیر. بو بارهده ده فرانسا ایله عینی فیکیردییک. ایرانا تطبیق اولونان تحریم لر بیر چوخ مسئلهنی دییشدیردی. اما یئنه نه اولورسا اولسون، ایرانلا دانیشیقلارا حاضیرام".