آلمانیا-دا عیرقچیلیغا اعتراض ائدیلدی

آلمانیادا می ین 26-دا کئچیریله‌جک آوروپا پارلامئنتی سئچکی‌لرین‌دن بیر هفته اول آوروپادا آرتان عرقچیلیغا قارشی اعتراض آکسیا‌لاری کئچیریلدی.

چوخ سایدا غیری-حکومت تشکیلات‌لاری طرفیندن "هامی اوچون واحید آوروپا" شعاری آلتیندا تشکیل ائدیلن آکسیا‌لار پایتاخت برلین ایله یاناشی، کلن، لایپزیک، مونیخ، هامبورگ و اشتوتگارت-دا کئچیریلدی.  

برلین-ده اوزرینده "ناسیونالیزمه قارشی هامی اوچون واحید آوروپا"،"بؤلونمز" یازیلمیش پلاکات‌لار داشییان اعتراض چیلار آوروپادا عیرقچیلیغا یئر اولمادیغینی نوماییش ائتدیردی‌لر.

آوروپا بیرلیگی‌نین بایراق‌لاری‌نین داشیندیغی یوروشده تخمینن 20 مین نفر ایشتیراک ائتدی.

یوروشده چیخیش ائدن‌لر آوروپا پارلامئنتی  سئچکی‌لرینده ایفرات ساغچی و پوپولیست پارتی لره سس وئرمه‌مه‌یه چاغیردی‌لار. چیخیش‌لاردا: "آوروپادا آییرمجیلیغین، ایسلاموفوبیایا و آنتی‌سمیتیزمه یئر یوخ‌دور. اینسان حقوق‌لاری خصوصیله آزلیق‌لارین حقوقودور". ایفاده‌سی ایشلدیلدی.

کلن-ده بئش فرق‌لی منطقه‌دن باشلایان یوروشون سونوندا تخمینن 25000 نوماییشچی رن چایی‌نین ساحلیندکی Deutz Werft  میدانیندا توپ‌لاشدی.

نوماییشچی‌لر اوزرینده "آوروپا بیرلش"، "عیرقچیلیغا قارشی سسینیزی یوکسلدین" و "عیرقچی لاری سئچمیین" یازیلمیش پلاکات‌لار قالدیردی‌لار.

آلمانیانین خاریجی ایشلر ناظیری هایکو ماس "تویتر" واسطه‌سیله وئردیگی آچیقلامادا نوماییش‌لرین ایزدیهام‌لی کئچمه‌سینه گؤره راضی‌لیغینی بو شکیلده ایفاده ائتدی:"بو وئریلن سیقنال اوچون تشککور ائدیریک. بیز بیر نئچه اینسانین دئییل، چوخ‌لارین آوروپاسینی، بیر-بیرینه قارشی اولان‌لارین دئییل، برابرلیگین آوروپاسینی ایستییریک".