پومپئو: اس-400 سیستمینین فعال اولدوغو بیر یئرده اف-35 اوچماسی مومکون اولماز
پومپئو، آمریکا سناتو خاریجی علاقهلر کومیتهسینده ناظیرلیک بودجهسیله باغلی اوتورومدا، تورکیه و اس-400لر حاقیندا قیمتلندیریردی
آمریکا خاریجی ایشلر ناظیری مایک پومپئو، اس-400 سیستمینین فعال اولدوغو بیر هاوا مکانیندا اف-35 اوچماسینین مومکون اولمادیغینی دئییب.
پومپئو، آمریکا سناتو خاریجی علاقهلر کومیتهسینده ناظیرلیک بودجهسیله باغلی اوتورومدا، تورکیه و اس-400لر حاقیندا قیمتلندیریردی.
تورکیهنین اس-400 هاوا ساوونما سیستمینی آلماسینی دوزگون اولمادیغی دیله گتیرن پومپئو، بو بارهده تورک مخاطبلرینه فیکیرلرینی بیر نئچه دفعه چاتدیردیقلارینی بیلدیریب.
پومپئو، تکنیکی معنادا اس-400لر ایله اف-35لرین عینی یئرده وار اولماسینین مومکون اولمایاجاغینا ادعا ائدهرک،
اس-400لرین فعال اولدوغو بیر یئرده اف-35لرین عینی آندا اوچماسی مومکون دئییل." دئدی.
تورکیهیه اس-400لر یئرینه پاتریوتلاری تکلیف ائتدیکلرینی قئید ائدن پومپئو،
بو تکلیف هله ده ماسادا، آیرینتیلار اوزرینده چالیشیلیر. اف-35لرین اؤنملی بیر بؤلومونو اورهتن تورکلره دئدیک؛ اونلار یالنیز آلیجی و یا موشتری دئییل، اف-35لرین تداروک زنجیرینین بیر پارچاسی وضعیتینده. اگر اس-400لری آلسالار بو وضعیتین موجود اولمایاجاغینی آچیق شکیلده چاتدیردیق." دئیه دانیشدی.
پومپئو همچینین، تورکیهنین روسیادان اس-400لری آلماسی حالیندا آمریکا دوشمنلرینه تحریمیله قارشی قویما قانونو (CAATSA) چرچیوهسینده بعضی تحریملرله قارشی قارشی قالما احتیمالینین ده اؤنونون آچیلاجاغینی ایفاده ائتدی.
ایلگیلیلی خبرلر
ژاپندا شدتلی یاغیشلار سببی ایله ۶ نفر حیاتینی ایتیردی
ژاپونون نوتو و سوزو بؤلگهلرینده شدتلی یاغیشلار نتیجهسینده سئل و تورپاق سوروشمهسی میدانا گلدی