گوایدو، حکومتله دیالوق یاراتمایاجاق
ونزوئلادا اؤزونو موقتی پرزیدنت اعلان ائدن میللی مجلیسین باشقانی خوان گوایدو، حکومتله دیالوق یاراتمایاجاقلارینی تکرارلادی
ونزوئلادا اؤزونو موقتی پرزیدنت اعلان ائدن میللی مجلیسین باشقانی خوان گوایدو، حکومتله دیالوق یاراتمایاجاقلارینی تکرارلادی.
یاشادیغی درین سیاسی بحراندا 4ونجو آیینا گیرن ونزوئلادا موخالیفت، کئچن آیین ایلک هفتهسیندن بو یانا بیر نئچه دفعه باش وئرن و اؤلکه ایچینده شبکه سویو پروبلملرینه ده سبب اولان الکتریک کسینتیلرینی اعتراض اوچون یئنه کوچهیه چیخدی.
آمریکا باشدا اولماقلا بیر چوخ غرب و لاتین آمریکا اؤلکهسینین دستگینی آلان خوان گوایدو، پایتخت کاراکاسدا قاتیلیمین کئچمیش تحریملره نیسبتن آشاغی اولدوغو موشاهیده ائدیلن اعتراض نقطهلرینی گزدی و طرفدارلارینا مراجعت ائدیب.
گوایدو، ونزوئلا حکومتینین 27 آوریلده تام آیریلاجاغی آمریکا دولتلری تشکیلاتینین (OAS) اوّلکی گون موخالیفلرین یانیندا یئر آلان تاره بریکنویو ونزوئلا نمایندهسی کیمی قبول ائتدیغینی خاطیرلاتدی.
آمریکا دولتلری تشکیلاتیندکی غصب بیتدی" ایفادهلرینی ایشلهدن گوایدو، "ونزوئلادا دا بیر پرزیدنت غصبی" اولدوغو ادعاسیندا اولاراق، بو وضعیتین قیسا مدت عرضینده بیتجگینی ایرهلی سوردو.
حکومتله دیالوق یاراتمایاجاقلارینی تکرارلایان گوایدو، ونزوئلا خالقیندان "آزادلیق عملیاتی" آدی ایله داوام ائتدیرمگی پلانلاشدیردیقلاری کوچه تحریملرینه قوشولماغی ایستهییب.
دیگر طرفدن، اؤلکهده دونن گئجه ساعاتلاریندا بعضی ایالتلر و پایتختین بعضی منطقهلرینده بیر الکتریک کسینتیسی داها یاشاندی.
کسینتینین باش وئردیگی بؤلگهلرین اهمیتلی بؤلوملرینه بیر مدت سونرا یئنیدن الکتریک وئریلرکن، حکومتدن الکتریک پروبلملرینه دایر یئگانه آچیقلاما ایرتیباطات، مدنیت و توریزمدن مسئول دولت باشقان معاوینی خوورخه رودریگزدن گلدی.
رودریگز، دولت باشقانی نیکولا مادورونون بو آیین اوّلینده اعلان ائتدیگی الکتریک ساتیشینداکی تایینلامانین (خصوصیله ساواش، قیتلیق، دپرسیون کیمی غیری-عادی دؤورلرده طلبی آزالتماق اوچون تطبیق اولونان بیر اصول) سورهجگینی و اؤلکه ایچینده الکتریک خیدمتلرینین تام تامین اولونماسی اوچون ایشلرین داوام ائتدیگینی بیلدیریب.
ایلگیلیلی خبرلر
فیلیسطینه دستک نوماییشلری داوام ائدیر
دونیانین بیر چوخ یئرینده مینلرله اینسان ایسرائیلین غزه زولاغینا هوجوملارینا اعتیراض ائدیب
اندونزیا-دا داشقینلار 41 نفرین اؤلومونه سبب اولوب
اندونزیانین باتی سیندا لئیسان یاغیشلارین سبب اولدوغو داشقینلار 41 نفرین اؤلومونه سبب اولوب.