ایران خاریجی ایشلر ناظیری، اؤلکه‌سی ایله عراق آراسیندا ویزا‌لارین قالدیریلماسی تکلیف ائدیب

ایران خاریجی ایشلر ناظیری جواد ظریف، اؤلکه‌سی ایله عراق آراسیندا ویزا‌لارین قالدیریلماسی تکلیف ائتدیک‌لرینی آچیقلاییب.

ایران دولت مئدیاسیندا یئر آلان خبرلره گؤره، پرزیدنت حسن روحانی‌نین بو گون عراقا ائده‌جگی سفر اؤنجه‌سی باشکند بغداددا دانیشیق‌لار آپاران ایران خاریجی ایشلر ناظیری محمد جواد ظریف، عراق مطبوعاتینا آچیقلاما‌لار وئریب.

ایکی اؤلکه نماینده هیات‌لری‌نین دونن کئچیردیگی گؤروشمه‌لرده، ایران ایله عراق آراسیندا ویزایلا باغلی گؤزل بیر راضیلاشما الده اولوندوغونو قئید ائدن ظریف،

" عراقلی قارداش‌لاریمیزا ویزانین قارشی‌لیق‌لی اولا‌راق تامامیله قالدیریلماسینی و یا پول‌سوز اولماسینی تکلیف ائتدیک. بو دا اولماسا ویزا مصرفینی مقبول سویه‌یه چیخاریلماسینی تکلیف ائتدیک. موذاکیره‌لریمیز داوام ائدیر. بو موضوعدا گؤزل خبرلر چاتدیریلاجاغینی آرزو ائدیرم." ایفاده‌لرینی ایستیفاده ائتدی.

ظریف، بغداد دانیشیق‌لاری چرچیوه‌سینده عراق خاریجی ایشلر ناظیری محمد علی الحکیم ایله بیر آرایا گلمیشدی.

گؤروشمه سونراسی کئچیریلن بیرگه مطبوعات توپلانتی‌سیندا بو گون نفت، گاز و الکتریک سکتورلاریندا بیرگه آنلاشما مموراندومو ایمضالاناجاغی بیلدیریلمیشدی.