پرنسسی باش ناظیرلیگینه نامیزد گؤسترن پارتی قاپاتیلیب
تایلندده آنایاسا محکمهسی، 24 مارسدا کئچیریلهجک پارلامنت سئچیملرینده پرنسس اوبولراتانا ماهیدولو باش ناظیرین مقامی اوچون تکلیف اولونان تای راکسا چارت پارتیسینین قاپادیلماسینا حؤکم ائتدی
تایلندده آنایاسا محکمهسی، 24 مارسدا کئچیریلهجک پارلامنت سئچیملرینده پرنسس اوبولراتانا ماهیدولو باش ناظیرین مقامی اوچون تکلیف اولونان تای راکسا چارت پارتیسینین قاپادیلماسینا حؤکم ائتدی.
بانگوک پوست قزئتینده یئر آلان خبره گؤره، محکمه همچینین پارتیسینین مرکزی ایجرایه کومیتهسینین عضولرینه 10 ایل سیاست یاساغی گتیردی.
تایلندده 2014ده نیظامی کودتا ایله دئوریلن کئچمیش باش ناظیر یینگلوجک شیناواترانین قاپادیلان پارتینین داوامی شکلینده اولان تای راکسا چارت پارتیسی، کودتا سونراسی کئچیریلهجک ایلک پارلامنت سئچیملری اوچون تایلند کرالی ماها واژیرالونگکورنون باجیسی شاهزاده اوبول راتانانی باش ناظیرینه نامیزد گؤسترمیشدی.
شاهزادهنی نامیزد گؤستریلمهسینین آؤدیندان تایلند کرالی ماها واژیرالونگکورن، کرال عائلهسینین هئچ بیر عضوونون سیاسته داخیل اولماماسی لازیم اولدوغو، ایندییه قدر حیات یولداشینا راست گلینممیش بو تشببوسونون "یاراشیقسیز" اولدوغو و بیر کرالیت منسوبینین سیاسته آتیلماسینین "اؤلکهنین مدنیتینه، عادت و عنعنهلرینه اعصیانکارلیق" معناسینا گلهجگی آچیقلاماسینی ائتمیشدی.
سارایین اعتراضی اوزرینه سئچیم کومیسیونو، تای راکسا چارت پارتیسینین، مارس آییندا کئچیریلهجک پارلامنت سئچیملرینده باش ناظیرلیک مقامی اوچون تکلیف ائتدیگی شاهزاده اوبولراتانا ماهیدولو آدای لیستهسینه داخیل ائتممیشدی.
اوبولراتانا ماهیدول، نامیزدلیگینین اؤلکهده یاراتدیغی گرگینلیکدن اوزونتو دویدوغونو سؤیلمیشدی.