ترامپ: ونزوئلا اوردو اؤزونو بیر آدام اوچون ریسکه آتیر
ترامپ، فلوریدا ایالتینده یاشایان ونزوئلا‌لی آمریکا‌لی‌لارلا بیر آرایا گلدی
آمریکانین پرزیدنتی آمریکا دونالد ترامپ، ونزوئلا دولت باشقانی نیکولا مادورونو دستکلمه‌یه داوام ائدن ونزوئلا اوردو منسوپلارینی تهدید ائده‌رک،
" اؤز گله‌جک‌لرینی، حیات‌لارینی و ونزوئلانین گله‌جگینی، کوبا اوردوسو طرفین‌دن کونترول ائدیلن و قورونان بیر آدام اوچون ریسکه آتیرلار." دئدی.
ترامپ، فلوریدا ایالتینده یاشایان ونزوئلا‌لی آمریکا‌لی‌لارلا بیر آرایا گلدی.
بورادا چیخیشیندا ترامپ، باش‌لیجا اولا‌راق ونزوئلادا قانونی لیدرین مادورو دئییل، اؤزونو موقتی پرزیدنت اعلان ائدن خوان گوایدو اولدوغو شکلین‌دکی آمریکان تز‌لرینی خاطیرلادیب.
خوان گوایدونون و ونزوئلا خالقی‌نین یانینداییق. آرتیق تکجه ونزوئلادا دئییل، نیکا‌راگوا و کوبادا دا سوسیالیزمین و کومونیزمین سایی‌لی گون‌لری قالیب." ایفاده‌لرینی ایشله‌دن ترامپ، چیخیشیندا بیر نئچه دفعه "آمریکانین هئچ واخت کومونیست بیر اؤلکه حالینا گلمیه‌جگینی" سؤیله‌دی.
بو آنا قدر مادورونون یانیندا دایانان ونزوئلا اوردوسونا موناسیبتین ایلک دفعه کسکین ایفاده‌لر ایشله‌دن ترامپ، "اوستو اؤرتولو" بیر شکیلده اوردونون اوست طبقه‌سینه تهدید ائدیب.
ترامپ، بو ایفاده‌لری ایشلتدی:
" اؤز گله‌جک‌لرینی، حیات‌لارینی و ونزوئلانین گله‌جگینی، کوبا اوردوسو طرفین‌دن نظارت ائدیلن و قورونان بیر آدام اوچون ریسکه آتیرلار. اگر مادورونو دستکلمگی سئچسه‌نیز آرتیق اعتبارلی بیر سیغینا‌جاق و یا آسان چیخیش تاپ. هر شئیی ایتیرجکسینیز".
ونزوئلا اوچون دینج بیر گوج دؤورو ایستدیک‌لری قیمتلندیرمه‌سینده اولان ترامپ، بونونلا یاناشی بوتون واریانت‌لارین ماسادا اولدوغونو ایفاده ائتدی.
چیخیشیندا دیگر لاتین آمریکا اؤلکه‌لرینه ده توخونان و بو اؤلکه‌لرده ده ونزوئلانین یاشادیغینا اوخشار پروسه‌لر باش وئرجگینی ایشاره ائدن ترامپ، "ونزوئلادا و غربی یاریم کوره بویو سوسیالیزم اؤلور، آزادلیق، ریفاه و دموکراسی یئنیدن دوغور." دئدی.
آمریکانین گؤندردیگی اینسانی یاردیم‌لارین ونزوئلایا گیریشینه ایجازه وئرمه‌ین مادورو رهبرلیگینی آغیر سؤزلرله تنقید ائدن ترامپ، اؤلکه‌دکی یوخسوللوق‌دان مادورونو مسئول توتدو.
