تورک کونسوللوغونا سالدیران تروریسته حبس جزاسی
ساوچیلیق اؤتن آی متهم حاقین‌دا ۲۰ آی حبس جزاسی ایسته‌میشدی
هلندده آمستردام محکمه‌سی، تورکیه‌نین آمستردام باش کونسوللوغونا مولوتوف کوکتیلی ایله سالدیران بؤلوجو ترور هؤرگوتو پ‌کاکا عضوو ارجان پولاداری ۱۶ آی حبس جزاسینا محکوم ائتدی.
محکمه‌نین یازی‌لی آچیقلاماسین‌دا، متهم پولاداره، ۱۱ آگوست ۲۰۱۸ده بیلینجلی اولاراق تورکیه باش کونسول‌لوغونو سئچه‌رک ۳ ال یاپیمی پاتلاییجییلا سالدیردیغی و بو سببله ده ۶ آی یشرط‌لی اولماق اوزره ۱۶ آی حبس جزاسی وئریلدیگی بیلدیریلدی.
آچیقلامادا، سالدیری زامانی کونسوللوق و اطرافین‌دا کیمسه‌نین اولماماسی، وئریلن جزانین، ساوجینین ایسته‌دیگی ۲۰ آی حبس‌دن آز اولماسینا سبب گؤستریلدی.
وئریله‌ن جزادا متهمین ۲۰۱۷ده آلمانیاداکی تورک کونسوللوغونا یاخین بؤلگه‌ده ایکی مولوتوف کوکتیلی ایله یاخالانماسینین دا نظره آلیندیغی ایفاده ائدیلدی.
تورکیه‌نین آمستردام باش کونسوللوغونا اؤتن ایل مولوتوف کوکتیلی ایله سالدیری تشکیل ائد‌ن شبهه‌لی، پلیس طرفیندن گؤزآلتینا آلینمیشدی. سالدیریدا بینادا کیچیک میقیاس‌لی داغینتی میدانا گلدی، هلند ساوچیلیغی اؤتن آی متهم حاقین‌دا ۲۰ آی حبس جزاسی ایسته‌میشدی.
سالدیرقانین، آدانادا ۸.جی آغیر جزا محکمه‌سی طرفیندن ترور هؤرگوتو پ‌کاکا/کاج‌کایا عضو اولدوغو سببی ایله قیرمیزی اعلانلا آختاریلان ۱۹۸۳.جی ایل دوغوملو ارجان پولادار اولدوغو، هلندده سیغیندیغی معین ائدیلمیشدی.
گوونلیک قایناق‌لارین‌دن آلینان بیلگییه گؤره، هلندده ۲۰۰۴ده ائدیله‌ن عملیات‌دا یاخالانان ارجان پولادار، اؤلکه‌یه سیغینماق اوچون باش وورموشدو.
مراجعتی قبول ائدیله‌ن پولادار، گئتدیگی اؤلکه‌لرده گؤزآلتینا آلینسا دا هلندین وئردیگی قاچقین ایستاتوسو ایله سربست بوراخیلدی.
تورکیه‌نین طلبی ایله ۱۶ ژوئیه ۲۰۱۲ده بولقاریستان‌دا یاخالانان پولادار، هلندا طرفیندن وئریله‌ن سیغیناجاق ایستاتوسو سببین‌دن اعاده ائدیلمه‌دی.
ایلگیلی‌لی خبرلر
فیلیسطینه دستک نوماییشلری داوام ائدیر
دونیانین بیر چوخ یئرینده مینلرله اینسان ایسرائیلین غزه زولاغینا هوجوملارینا اعتیراض ائدیب
اندونزیا-دا داشقین‌لار 41 نفرین اؤلومونه سبب اولوب
اندونزیانین باتی سیندا لئیسان یاغیش‌لارین سبب اولدوغو داشقین‌لار 41 نفرین اؤلومونه سبب اولوب.
